XI. Acta consecrationis ecclesiae Sancti Clementis martyris in villa Ardocale, anno DCCCXC. (890)

XI.

Acta consecrationis ecclesiae Sancti Clementis martyris in villa Ardocale, anno DCCCXC. (890) ( V. pág. 73.) 

Ex autogr. in arch. eccl. Urgell. 

In nomine sanctae et individuae Trinitatis, anno incarnationis Domini nostri Ihesu Christi, sub era DCCC.LXXXX, veniens episcopus nomine Ingobertus Orgellensis, rogatus a populo cohabitantes in villa nomine Ardocale, ad ecclesia consecrandum in onore beati Clementis martyris Christi, die Kalendarum V. idus Ianuarii, anno III. regnante Oddone rege, sub Dei nomine nos omnes homines cohabitantes in iam dictam villa Ardocale is nominibus, Ansila, Donadeus, Senta, Vardinas, Agapius, Albarus, Gratus, Raudaldus, Trasobado, vel ceteri alii plures in iam dicta villam commanentes, quia edificavimus ipsa ecclesia in honore sancti Clementis, tradimus eam ad venerabilem pontificem nostrum Ingobertum episcopum ad consecrandum. Propterea placuit in animis nostris, et placet, in primis pro amorem Dei, et pro sancta Dei ecclesia exaltandum, donare deveremus ad ipsa ecclesia, sicut et damus infra pau (pago) (pao anteriormente, incluso pavo se encuentra) Tollonense, infra fines de villa iam dicta Ardocale, donamus in ipsa villa casal... (casalibus ?) de ipsa ecclesia, qui de una parte coniungit in istrata (strata : strada : calle), et de alia in casa Agapii. Et donamus ortum, qui est subtus ipsa villa, qui de una parte coniungit in ortum Sunegildi, vel de suos heredes, et de alia in strata. Et donamus terra, qui est in locum ubi dicitur ad illos Brocuinerus, qui de una parte coniungit in terra Donadeo, et de alia in terra Isinvertus, et de ipsa terra quartatas III. Et in locum ubi dicitur Campo maiore (Camp major; campo mayor), donamus alia terra, qui de duas partes coniungit in terras Ansilani, et est in seminatione modiata una. Et in locum, ubi dicitur Iubellum, donamus alia terra, qui de una parte coniungit in strata, et de alia in terra de filios Fachilone, et est in seminatione sesteratas VI. Et dono ego Albarus, propter remedium anime de parentes meos, terra, qui de una parte coniungit in era, et de alia in terra Trasobadone, vel de suos eredes, ab omne integritate. Donamus hec omnia superius nominatum, infra adfrontationes inclusum, ab omne integritate (pone integrietate), propter remedium anime nostre, vel parentum nostrorum, ut ante tribunal Domini nostri Ihesu Christi, per intercessione beati Clementis martiris Christi, vel omnium sanctorum, veniam exinde mereamur accipere. Et qui contra hanc dotem, vel donatione, quod nos facimus ad domum beati Clementis, venerit ad ad inrupendum (inrumpendum), aut nos iam dicti venerimus, aut quislibet homo... subposita persona, inferam vel inferamus domno pontifici, hec omnia, quantum ad ea ora inmelioratum fuerit, dupplum, vel sicut decreta Canonum docent, ad domum sancti Clementis perpetim abiturum, et in abantea ista dotis vel donationis firmis permaneat. Facta dote vel donatione sub era DCCC.LXXXX, V. idus Ianuarii, anno III. regnante Oddone rege. = Sig+num Ansilani. =  Sig+num Donadeo. =  Sig+num Sentani. =  Sig+num Vardinas. =  Sig+num Agapius. =  Sig+num Albari. =  Sig+num Crati (o Grati). =  Sig+num Randaldi. =  Sig+num Trasobadoni, qui hanc dote vel donatione fecimus et testes firmare rogavimus. = Baldricus presbyter subscribo. Usila archipresbyter subscribo. = Ello presbyter subscribo. Preciosus presbyter subscribo. Arradus presbyter subscribo.  Sig+num Sunlani. =  Sig+num Pulimii. =  Sig+num Eguifred. = Centullus presbyter, qui hanc dote vel donatione scripsi et subscripsi die et anno quo supra. 

X. Caroli Calvi praeceptum pro ecclesia Urgellensi, eiusque episcopo Wisado eius nominis primo, anno DCCCLX. (860)

X.

Caroli Calvi praeceptum pro ecclesia Urgellensi, eiusque episcopo Wisado eius nominis primo, anno DCCCLX. (860) (V. pág. 66.) 

Ex arch. eccl. Urgell. lib. I Dotal. fol. 14. 

In nomine sanctae, et individuae Trinitatis. Karolus gratia Dei rex: quidquid pro utilitate, et necessitate sacrorum lochorum efficere contendimus, profuturum nobis, et ad praesentem vitam foeliciter transigendam, et ad aeternam beatitudinem facilius obtinendam, omnino confidimus. Ideoque notum sit omnibus sanctae Dei aecclesiae fidelibus, et nostris, praesentibus atque futuris, quod venerabilis vir Guissadus Urgellensis aecclesiae episcopus, ad nostram accedens reverenter sublimitatem, innotuit de quibusdam verbis (f. rebus) a gloriosis imperatoribus Karolo avo nostro, et Ludovicho genitore nostro eidem aecclesiae suae per praecepta inprevaricanda concessis, idest, condaminam unam, quae est prope ortum sanctae Mariae, et aecclesiam sancti Iacobi cum suis ortilibus et kasalibus. Praeterea peciit ut eidem sanctae sedi redderemus contiguam aliam condaminam, et ortum praephatae condaminae adherentem. Adidit aetiam de decimis Andorrensis pagi, ferri et piscis, quae aecclesiae suae debentur. Simul etiam dixit nobis de quibusdam pagellis, qui suae sunt parroechiae, ut progenitoribus nostris imperatoribus per praeceptum nostrum eidem sanctae sedi beatae Mariae nomini dicatae, secundum antiquam consuetudinem subiectas fore, confirmaremus. Cuius venerandi pontificis supplicem rogationem clementer audientes, praeceptum hoc altitudinis nostrae fieri iussimus, per quod praenominatas res praescriptas fore sedis iuri subiungimus, et dominio praesulis eius Guisadi, ac successorum eius perpetuo mancipamus. Videlicet ut ecclesiastica et kanonica auctoritate, ad utilitatem, et necessitatem sepe dictae sanctae sedis, et servorum Christi in ea degentium ordinent, atque disponant, sine cuiuspiam inquietatione, aut contradictione. Cerdaniensis vero pagis, et Libienensis, et Bergitanensis, Palariensis quoque, atque Ripachurcensis, Gestabiensis, atque Cardosensis, Anabiensis, ac Tirbiensis, et locus sanctae Deodatae cum finibus suis, sicut in memoratis imperialibus praeceptis notum est scriptum fuisse, semper subiaceant plerumque dictae sanctae sedi Urgellensis aecclesiae, neque sit eis licitum ad alias vicinas aecclesias migrare. Praeterea concedimus eidem sanctae sedi, ut sicut aliae aecclesiae Septimaniae, ita quoque eadem, et rectores eius semper habeant tertiam partem telonei de omnibus illius parroechiae merchatis. Similiter etiam concedimus eidem aeclesiae, ob remedium animae nostrae, tertiam partem telonei omnium negociatorum per eandem parroechiam transeuntium, atque merchantium. Nullique sit licitum contra hanc auctoritatis nostrae praeceptionem molestiam de his, de quibus dicitur, rebus, et teloneis, inferre superius dicto pontifici, ac successoribus eius, sive ministris crebro dictae aecclesiae Urgellensis ad hoc exequendum constitutis, praesentibus temporibus, et futuris. Ut autem hoc nostrae auctoritatis scriptum pleniorem in Dei nomine optineat firmitatem, manu propriâ subter firmavimus, et anuli nostri impressione assignari iussimus. = Signum + Karoli gloriosissimi regis. = Gauzllenus notarius ad vicem Ludovici regis recognovit et subscripsit. = Data XIII. kalendas Decembris, indictione nona, anno XXI. regnante Karolo gloriosissimo rege. Acta Panagone palatio regio in Dei nomine feliciter, Amen.