XXXIII. Facultas edificandi ecclesiam Sanctae Mariae de Lavaix Abbati Trasoaldi a Fridelo, Comite et Marchione concessa: an. DCCCVIII. (808)

XXXIII.

Facultas edificandi ecclesiam Sanctae Mariae de Lavaix Abbati Trasoaldi a Fridelo, Comite et Marchione concessa: an. DCCCVIII. (808) (Vid. pág. 112.)

Ex Cartor. monast. Lavascensis, fol. 74.

In Dei nomine et individuae Trinitatis qui est verus Deus: ego Fridelo Comes et Marchio propter nimiam caritatem qua dilexit nos Deus, et propter ammonicionem scripturatum et vitae sanctorum Patrum qui bene vivendo et in servicio Dei laborando et sua ad instruendas Dei ecclesias sive ad sustentaciones pauperum largiendo vitam meruere post mortem accipere: ideo compunxit me summa Divinitas et ammonicionem Trasoaldi, religiosi Abbatis qui ipse mihi monens petiit pro Christo qui precipit tribuere Omnipotenti, quod ego Fridelo, Comes et Marchio ad edificandam et instruendam ecclesiam Sanctae Mariae in loco qui dicitur Lavais juxta fluvium Nogarie, dedissem talem huic predicto monasterio libertatem ut quidquid in omni comitatu Pallariensium sive donativo sive comparacione vel pro quolibet lucro a me vel a parentibus vel successoribus meis acciperet, francum et ingenuum habeat in sempiternum. Et ideo ego Fridelo, Comes et Marchio, misericordia Dei compunctus, pro amore Dei et Sanctae Genitricis eiusdem et omnium Sanctorum, et propter remissionem peccatorum meorum, et propter spem remuneracionis vitae eternae et salvacionem animae meae et animarum omnium parentum meorum, scilicet etiam et pro nimio amore et magnis meritis praedicti Trasoaldi Abbatis dono et concedo pro me et pro omni progenie mea nata et ventura posteritate ad praedictum monasterium Sanctae Mariae de Lavais et omni ibidem conventui servientium monachorum praesentium et futurorum, sicut supra scriptum est et exquisitum. Ut omne quod Abbas praedicti monasterii, vel successores eius infra terminos comitatus Pallarensium jure de me, aut de parentibus, aut successoribus meis vel de aliquibus personis illis donando, vel ipsi comparando vel quolibet jure lucrando ad edificacionem ecclesiae vel ad sustentacionem suorum servientium adhibere poterint, liberum et francum possideant et ingenuum usque in sempiternum. Et tali institucione constituo quod nullus Comes ex proienie, aut Vice Comes sive baiulus sive vicarius vel quilibet nuncius successorum vel qualibet persona aliquid usurpando, neque vim faciendo vel gratis accipiendo in honore praedicti monasterii invadere audeat sine voluntate Abbatis praedicti monasterii et fratrum ibidem Deo servientium. Et si aliqua persona hanc cartam meae libertatis dirumpere voluerit cum Juda traditore in infernum partem recipiat. Facta carta mense madii regnante Rege Karlo, anno ab Incarnatione Domini DCCC.VIII. = Signum Fridelo Comitis. = Signum Egardoni. = Signum Rainulfi. = Signum Radiberti. = Signum Centullius presbiter qui rogatus hanc cartam scripsit die et anno ut supra. 

XXIV. Donatio decimarum facta ecclesiae Bisuldunensi per Willelmum Comitem, et eius uxorem Adalaisam, an. MXXVII. (1027)

XXIV. 

Donatio decimarum facta ecclesiae Bisuldunensi per Willelmum Comitem, et eius uxorem Adalaisam, an. MXXVII. (1027) 

(Vid. pág. 90). 

Ex autogr. in arch. S. Mariae Bisuldun.

In Dei nomine: ego Willelmus gratia Dei Comes et Marchio et uxor mea Adalaisa donatores. Magnum nobis et satis licitum esse videtur domum Dei aedificare ubique, et de nostris rebus honorare, atque concedere. Audientes praedicationem, et monita sanctorum Patrum, quia eleemosina a morte liberat animam, cognoscentes nos peccati macula onustos, compuncti corde de superna coelorum pietate supplicantes ejus misericordia, ut pius et misericors sit in peccatis nostris. Propterea concedimus, atque tradimus ad domum Sancti Genesii Martiris, et Sancti Michaelis Archangeli, et Sancti Stephani Papae, et Sanctum Lignum praetiosae Crucis Domini nostri Jesu Christi (a), quorum ecclesia sita est in comitatu Bisuldunense infra muros Bisulduno. (a) Praetiosae huius reliquiae meminerat idem Willelmus Comes in donatione facta anno 1025, quam habes in Marca Hispanica col. 1040. Vulgo fertur sacrum illum pignus a saec. IV. S. Damasi dono ecclesiam illam possidere; illud verisimilius est Benedictum VIII, ut Romanis Pontific. in usu erat, Bernardum Comitem Bisuldunensem eo munere ditasse, cum anno 1017. Romam profectus est de erigendo episcopatu Bisuldunensi acturus: cuius rei acta habes in Marca Hisp. eo anno. Rem suadent tum silentium in donationibus usque ad hunc annum, cum tamen de aliis eius eccl. reliquiis mentio passim fiat tum quod in prima donatione post ann. 1017 quae est illa anni 1025, tanti pignoris memoria habeatur. Unde liquet non ante ann. 1017. Bisuldunenses illus donum accepisse. Rem fusius explanabimus in Itin. litterario, ubi de Comitibus Bisuldunensibus sermo erit. 

Donamus nos jam dicti Willelmus Comes, et uxor mea Adalaisa ad ibidem loco decimum nostrum de hoc quod tenemus ad nostrum dominicum in comitatu Bisuldunense infra fines vel terminos suos, vel in antea adquisituri sumus, quod ad dominicum teneremur de ipsa expleta, qui inde exiit, vel exierit. In primis de nostro fisco de Pompiano de laborato, et de censo, et de praesentalias, et de omnia expleta, quae inde exiit, vel exierit nostrum decimum. Et de nostro fischo de Orriols, de laborato, et de censo, et de praesentalias, et de acaptir de pane, et vino, vel omnia expleta, qui inde exiit, vel exierit nostrum decimum. Et de nostro fischo de Joncarias, de laborato, et de censo, de pane, et vino, et de praesentalias, et de acaptir, et de omnia expleta qui inde nobis exit vel exierit ipsum decimum. Et de nostro alode quod habemus in parrochia Sancti Stephani de Oloto, de laborato, et de censo, de pane et vino, et de praesentalias, et de acaptir, et de omni expleta qui inde exit, vel exierit nobis ipsum nostrum decimum. Et de alode nostro de Molione, de laborato, et de censo, de pane, et vino, et de praesentalias, et de acaptir et de omnia expleta quae inde exit, vel exierit nobis nostrum decimum. Et de Landars similiter. Et de comitatu supra scripto de omnes placitos nostros de nostra parte ipsum decimum. Et de nostros pascuarios, et de praedicto comitatu de nostra parte ipsum decimum, et de ipso mercato de Bisulduno de nostra parte ipsum decimum. Et in supra dictum comitatum ubicumque habuerimus aliquid praesentatum nostrum decimum. Donamus nos hoc decimum supra nominatum ad jam dicto loco propter remedium animarum nostrarum, et animae genitoris mei Domini Bernardi bonae memoriae, ut ante tribunal Domini nostri Jesu Christi possimus invenire remedium. Amen. Episcopus (a) vero vel clerici ibidem Deo servientes praesentibus scilicet atque futuris ita obtineant hoc decimum supra scriptum sicut caeteris alodibus et munificentiis, et in Dei nomine habeant firmissimam potestatem: (a) Episcopatus huius *initia recte Marca Hispanica distinxit col. 426. Eum tamen ad hunc usque annum 1028 perdurasse presens charta documento est; quin et ad 1048 ut infra cod. anno patefit.

Sane quod si nos donatores aut ullus homo utriusque sexus qui contra hanc donationem, seu mercedem largitionis causa temptaverit, moverit, aut ista omnia ad supradictam domum Sancti Genesii abstrahere voluerit, vel abstraxerit, peccatis nostris anima illius sit obligatum, quae pro hac re cupimus esse purgatum, et cum Juda Scharioth, qui Dominum tradidit, sentiat se damnatum, et insuper componat in vinculo haec omnia in duplo ad praedictum locum, et in antea ista donatio firma permaneat. Facta donatio quinto nonas maii anno trigessimo primo regni Rodberti Regis. = + Willelmus Comes gratia Dei. = + Adalaisa qui hanc donationem fecimus. = + Senofredus sacerdos. - + Oliva Igila. = + Willelmus levita, qui ista carta donatione, vel largitione rogatus scripsit et subscripsit die annoque praefixo.

XIII. Confirmatio monasterii de Villanova in comitatu Pallariensi anno DCCCLXXVI aut circiter.

XIII. 

Confirmatio monasterii de Villanova in comitatu Pallariensi anno DCCCLXXVI aut circiter. (V. pág. 38.) 

Ex autogr. in arch. Eccl. Urgell. 

In nomine Dei Patris Omnipotentis, et in nomine Domini nostri Jhesu Christi Fridelo divina gratia Comes et Marchio (.) Si enim justis fidelium nostrorum postolationibus quas pro suis necessitatibus sibi fieri expetunt, hoc quod juste hac rationabiliter exposcunt aurem nostrae benignitatis nostram accomodamus, hac totius comitatui nostro pertinere non diffidimus. Idcirco noverit omnium virorum nostrorum fidelium praesentium scilicet et futurorum industria quia depraecatus est nos vir venerabilis Abba nomine Trasbadus ex Monasterio que vocatur Villanova qui est situs super fluvium Nocaria (Noguera), ut ei talem auctoritatem fieri juberemus per quas res ad prisiones eorum quae infra comitatui nostro consistit quae ipse Abba jam superius nominatus et ipsa congregatio de squalido labore contraxerunt et quidquid deinceps aucmentare potuerint salvas atque inlesas possidere queantur. Ad cuius postulationem quia fidelis in omnibus nobis apparet, immo et pro merito servitii sui placite hac benigne suscepimus et ad effectum usque perduximus. Ob quam causam placuit nobis et placet ut quidquid squalidum locum fiscum videlicet nostrum extirpare aut condirgere ipse Abba aut ipsa congregatio laborando potuerit, liberum arbitrium concedimus in elimosina senioris nostri et nostrae peragere. Et si aliquis homo propter amorem et reverentiam Dei in eodem locum venerabilem abitum monasticum tenere voluerit, et quidquid ibidem in eodem loco obmittere voluerit, liberam abeat potestatem omnique facultati suae quantum eius volumtas expetierit, liberum concedimus volumtati eius hoc peragendum. Sed propterea omnino jubemus atque expresso iniungimus ut nullus ex fidelium nostrorum, nec Vice-Comes noster, nec Vicarius, nec Centenarius, nec missus noster discurrens, nec aliquis ex junioribus eorum, in aprisiones eorum ausi homines in eodem fiscum comanere miserint, nec distringere, nec fideiussores tollere, nec condemnare non audeant. Et si talis ratio inter eos horta fuerit quod inter se diffiniri non possint, in elimosina nostra sit ipsa ratio suspensa vel conservata, quatenus ante nos finitivam accipiant sententiam. Et ut haec largitio nostra melius credatur, diligentiusque conservetur, de anulo nostro subter jussimus sigillari. 

Langobardus Cancellarius hanc auctoritatem scripsi et subscripsi. = Supra Sigillum quod avulsum est à carta legitur: (letras griegas, parecido a AAN + como una T sin la parte izquierda + omega + BAPAOC.)

IX. Monasterium monialium S. Ceciliae in Dioecesis (abrevia Dioec.) Urgell. traditur Monasterio S. Saturnini.

IX. 

Monasterium monialium S. Ceciliae in Dioecesis (abrevia Dioec.) Urgell. traditur Monasterio S. Saturnini. (V. pág. 28.)

Ex aut. cartor. eiusd. domus in Seminario Episc. Urgell. 

In nomine Domini. Ego Ermengaudus Comes et Marchio placet in animo meo ut ad domum Sancti Saturnini Martiris Christi qui est fundatus in comitatu Urgello juxta amne Valeriae aliquid de meo honore donare debere, sicuti et dono, videlicet Ecclesiam Sanctae Ceciliae cum aliis Ecclesiis sibi subjectis et cum castellis et villis, et cum decimis et primiciis et oblationibus et finicionibus et cum omnibus eidem Monasterio pertinentibus, et cum terminis sibi pertinentibus, seu adquisitis rebus vel per labentia tempora adquisituris, trado in dominio et potestate Sancto Saturnino et Benedicto Abbate et successoribus suis, ut ab hodierno die et deinceps liberam habeat potestatem quodcumque voluerit facere ex ea ad servicium Dei Omnipotentis, et Sancto Saturnino, et Beatae Ceciliae et aliorum Sanctorum omnium. Sic dono Ego Ermengaudus Comes et trado in potestate Sancti Saturnini et ad Benedictum Abbatem et ad successoribus eius omnes meas voces quas ego habeo vel habere debeo per vocem genitoris mei Domni Ermengaudi bonae memoriae, et per vocem comitalem seu per ullas voces. Hoc donum jam dictum sub tali ratione dono vobis ut devotas quas ibi sunt ejiciatis qui diu male vixerunt ibi, et postea mitatis ibi monachos qui honorifice vivant et regulam Patris Benedicti immitent, ita ut nomen Domini sit benedictum. Actum est hoc XV kalendas julii anno XXVII regnante Leuvico rege. Si quis hoc disrumpere voluerit in duplo componat. = Sig+num Ermengaudi Comitis. = Petrus Urgellensis Episcopus +. = Sig+num Petro Raymundi de Castroboni (Castellbó) Vice-Comes. = Sig+num Guillermi frater eius. = Sig+num Miro Guitardi. = Sig+num Berengario Arnaldi de Anglesola. = Sig+num Bernardi Ramon de Gradilo. = Visores et auditores Bernardus... Archidiachono, et Arnaldus Guillermi, et Bernardus de Benavento, et alii plures. = Guillermus clericus qui hoc scripsit die et anno + quo supra.

XXX. Charta populationis Cardonae anno DCCCCLXXXVI. (986)

XXX. 

Charta populationis Cardonae anno DCCCCLXXXVI. (986) (V. pág. 148) 

(Carta-puebla de Cardona)

Ex autogr. in arch. cur. civil. Cardonae (1). 

(1) Quae cursivo caractere edita reperies, Lector, in autographo scias ob vetustatatem detrito legi minime potuisse, et ex exemplari ibidem asservato suppleta, quod sec. XIII. exaratum est. 

Regnante in perpetuum Dño nostro Ihu Xpo, sexta etate mundi, in sexto miliario seculi, era millesima vigesima quarta, anno trabea incarnationis (trabeationis) Dñi nostri Ihu Xpi D.C.C.C.C.LXXX.VI., resurrectionis dominicae nobis celebranda est II. nonas Aprilis, luna XX, Deo auxiliante, et sacro divino eloquio nobis confortante, et sub iussione magno imperio nostro Leudovico rege obediente, filio Leutarii regi, anno I eo regnante, et misericordia Dñi postulante: Ego Borrellus gratiâ Dei comes et marchio facio preceptum et securitatem adque (atque) liberacionem in castro vocitato Cardona, vel suis agacenciis, et ad omnes abitatores eius, seu et posteritatis et proienies eorum, de omne rerum facultatis eorum, quidquid ad usum ominum pertinet, seu aulodes illorum, ut de ab hodierno die, et tempora, supra memorata iure quieto ordine teneant, et possideant, et hic securiter et in perpetuum feliciter sine aliqua dubitacione vel inquietacione de nullo omine (homine). Quia quando in primis construxit avius meus (avus; mi abuelo; lo meu avi) Wifredus comis et marchio bone memorie, et edificavit istum castrum Cardona, cum suis terminibus, precepit in suo precepto et suo verbo... memorialem, ut omnes gentes, omnes abitatores, qui ibidem stare veniebant, aut cum illorum bona ad hec currebant, et hic vivere volebant, iure quieto tenuissent et possedissent perpetualiter. Et si aliquis malignus omo, aut superbiâ inflatus, aut scandalum cumulatus, aliquid tulisset vel diripuisset de sua facultate de illos abitatores omines, ille qui perdidisset, in duplum prendidisset de suam facultatem de illum malignum ominem, qui hoc malum fecisset; et si unum asinum perdidisset, ille qui perdidit, duos meliores prendidisset: et de aliis modis in omnibus rebus sic in duplum precepit custodiri vel defendere; et si unam alapam quamvis unus ex ipsis de abitatores eius percussus fuisset de ullum malignum ominem, duas peiores reddidisset sine dubitatione, et postea nullam calumniam pertimesceret in nullum iudicium. Similiter et de aliis plagis vel vulneribus, adque iniuriis, teneri et custodiri iussit in duplum. Et sic perdonavit ad omnes abitatores istius loci supra nominato illam quartam partem de illo toloneo, ut inter eos divisissent, sicut et faciunt ab hodierno die; et nullum censum non fecissent, nec abuissent, nec dedissent, nisi debitum sancte Dei ecclesie, quod est veram primiciam, et veram decimam, et fidelem offercionem, et sanctum sacrificium. Et si servus aut ancilla venisset inter eos, aut aliquis omo cum alienam uxorem aut sponsa (1: Conditores ac domini oppidorum, ad illa homines atrahere solebant impunitate criminum, praecipue cohabitationis cum aliena muliere. Sic Alfonsus VII. Castellae rex in foro Aureliae (de Oreja) edixit: Si quis cum qualibet muliere non iuncta, exceptâ coniugatâ, vel sanguinis sui proximâ, vel per violentiam raptâ, fugerit ad Aureliam, ut ibi unus ex populatoribus fuerit, sit securus: et qui dominus Aureliae fuerit, illum recipere non timeat. Has nempe mulieres Hispani barraganas vocabant. (V. Ensayo histórico de Martínez Marina.) 

aut latro inieniosus (ingeniosus más adelante), ant aliquis falsator vel criminosus, securus stesisset inter omnes alios abitatores sine aliqua dubitatione. Nam de aliis modis vel culpis in omnibus precepit legem et directam iustitiam inter eos cum iudices custodire ad eum in cuius potestatem eos commendavit vel concessit patrono. Et similiter p... precepti, frater meus Miro comes bone memorie digitis suis litteris roboravit, et signum suum in suo nomine subter stillo confirmavit sicut audivit roborata et confirmata ab avo (avi; abuelo) nostro iam supra nominato Wifredo, cui Dñus ei centuplum retribuat, amen. Et ego Borrellus commes et marchio, et filios meos Reimundo (Raimundo, Ramón), et Ermengode (Armengol, Ermengaudo, Hermenegildo) comites, simul in unum, cum omni regimine parentorum nostrorum, seu omnium fidelium nostrorum, omnes unanimes et uno corde et bona concordia in melius statuimus, et in melius confirmamus, et sic precipimus custodiri, ut et ab hodierno die et tempora omnis omo, qui ibidem vivere vellet, vel abitare desiderat in hoc loco destinatum, vel in suis terminibus quod abuit ab inicio, et quod hodie abet, et quod abere debet, et quod cum Dei adiutorio abitatores eius adquirere potuerint in omnibus locis, sive in christianis, sive in paganis, sive in eremo, quam in cultum, vel in desertis locis, iure quieto teneant et possideant, sicut iam supra diximus, sine al¡qua inquietacione, vel funccione, vel redivicione, et sine aliqua dubitacione de nullum ominem sinceriter et securiter in perpetuum. Precepimus, et ordinamus, et statuimus in melius, ut si quis malignus omo aut superbiâ inflatus, aut scandalum cumulatus, ad aliquem ominem, qui hic venire vellet, vel vivere in loco isto, postquam directos gressos abuerit iter profectus ad veniendum, aliquid malignus omo insurgerit contra eum sine sua neglegenciâ  et tullerit ei de suam facultatem, ille qui perdidit, sepcies tantum apreendat de suam facultatem de illum malignuní ominem, qui hoc malum fecit, et omnes abitatores loci istius adiuvent eum. Et si unum asinum perdet, septem asinos meliores apreendere faciat, et postea nullam calumniam pertimescat in nullum iudicium. Similiter et de aliis modis in alapis, in plagis, vel vulneribus vel aliis iniuriis, vel de omnibus rebus in sepcies tantum precepimus custodiri vel defendere, et postea in nullum iudicium nullam calumniam pertimescat. Et sic perdonamus ad omnes abitatores loci istius, et ad illos qui venturi sunt et erunt, illam quartam partem de illo toloneo, sicut fuit ab inicio, et est hodie in presente, sic fiat perpetualiter, exceptus ipsos denarios, et ipsas ceras, et ipsa decima de illo toloneo, donare facimus ad domum Sancti Vincentii, sicut fecerunt parentes nostri ex toto, et in hebdomada duas somatas salis, et necessaria ligna; et vos nullam redibicionem vel funcionem sive censum alicui faciatis, nisi sancte ecclesie, idest, vera primicia, et veram decimam, et fidelem sacrificium, et dilectam offercionem a Deo, et ad ecclesias proprias; et faciatis ipsa oppera (opera : obra) ad ipso castro, id est, turres, et muros, et superpositos, et valles in profundum ad fodiendum (fosos), in ipsa septimana diem unum, propter vestras animas ad salvandum, sive pro paganis, quam pro malis Xpianis (malos cristianos). Et si vobis maior necessitas fuerit, omnes vos imperabitis per vestram bonam voluntatem, sicut videritis quomodo opus est vobis, ut vos defendatis contra inimicis vestris. Et si vos per vestram bonam voluntatem aliquem bonum servicium feceritis ad seniorem vestrum, aut ad amicum vestrum, et visitaveritis eum cum aliquid de vestra bona, aut receperitis eos in vestras domos, sicut fuit semper bona consuetudo (buena costumbre; bona costum o costuma) ab inicio a bonis ominibus ad faciendum, et est, erit semper in antea, aut aliquod servicium per vestra bona voluntate feceritis, aut in suorum necessitatibus aliquid adiuvaveritis; hoc non computetur nullus omo per nullum censum, nec per nullum malum exemplum, nec per nullum malum vicium. Quod si tamen aliquis malignus omo, aut senior malignus, aut amicus malignus, hoc per censum computare voluerit, aut malum censum per aliquem malum inienium adcrescere voluerit, ut in exemplo malo sit, nullatenus possit hoc facere, sed aspiciat occulis suis in ista scripta, et auribus suis audiat, et corde suo intelligat, et evacuet ei mala presumpcio sua, ut non sit alienus de regno Dei. Et si tantum Deum timens non fuerit, et in sua malicia voluerit permanere, et ista mala de corde suo evacuare noluerit, alienus sit de regno Dei, et pro temporali dapno non moratur componere in sepcies tantum quantum per malum censum, aut malum vicium computaverit, et postea non hoc possit vindicare quod malum voluit facere vel adcrescere. Et si aliquis fur aut latro ingeniosus, aut criminosus falsator, aut aliquis malignus adulter cum aliena uxore aud (aut) sponsa venerit inter vos, isti malefici secundum legem iudicabuntur; quia non est bonum malignis abitare cum bonis. Et stabitis in dilectione Dei in legem directam et iustitiam rectam in quantum possitis secundum canonem et leges Gotorum. Et abeatis inter eos omni tempore negotium rectum, et mercatum perfectum, et moneta una et mera sine mutacione, et sine aliqua falsitate; ut qualis fuerit prima, talis sit omni tempore, ut semper abeat firmitatem. Et de istis criminosis ominibus, quod superius diximus, post peractam legem qui inde evaserint, non permittimus eos stare inter vos in ecclesia nec in vestro concilio in nulla societate, nisi antea pervenerint ad rectam confessionem, et tenuerint veram penitentiam. Et dono vobis patrono Ermemiro vicescomite, et posteritati eorum, ut in cuiuscumque voce vos advocaverit, sequimini eum ubicumque ille voluerit in omnibus. Et ipso die Iovis semper sit vestrum de illa sale in omni tempore, sicut fuit ab inicio. Et si aliquandocumque aliquis malignus omo contra vos in ira surrexerit ad expugnandum aut preliandum contra vos; et vos omnes surgite centra eum ad interficiendum eum, et debellandum in quantum possitis cum Dei adiutorio. Si quis autem ex vobis minime fecerit, aut retrorsum facere voluerit, alienus sit inter vos omnes abitatores a vestro consilio, et ad liminem sancte Dei ecclesie precepimus excommunicari in ecclesiis vestris, et perdet omnem substantiam suam quantum ibidem abuerit. Et si quis vult inter vos maior fieri, sit sicut iunior; nam patrono vestro et omnibus ministris eius in omnibus precepimus custodiri et honorificari sicut decet. Et in omnibus ostibus meis primis insurgite in quantum possitis ad debellandum et expugnandum omnes adversarios nostros. Si quis vero quamlibet potestas, aut regis imperio vel principum, seu omo cupidus, vel malicia ductus, pro aliqua ocasione vel longo tempore prolonganda post nos, qui hoc factum nostrum et pactum convellere temptaverit vel infringere, hoc commendamus et per indesecabilem Trinitatem commonimus, ut quisquis ille fuerit, qui ipsius terre vel provincie principatum obtinuerit, aut pontifex ordinatus extiterit, vel iudex fuerit, et zelum Dei abuerit, et paradisi gaudia frui desideraverit, statim surgat et sentenciam istam quomodo nos confirmamus adfirmare contempnat (pro contendat) et in perpetuum stare discernat. Qui hoc fecerit, in cunctis fulgeat ante Dominum, sicut in sacris legibus continetur, ubi dicitur: Fulgebunt iusti sicut sol in regno patris eorum. Et qui inrumpere conaberit aliquis malignus transgresor legibus, quod una et universalis perpetim stare iubet ecclesiam, et nos omnes simul in unum statuimus canonicam sententiam et predicacionem apostolicam cum omne verbum divinum evangelicum feriri se sciat, et ereditatem celestem caruisse se agnoscat. Facta commemoracio, sive preceptum, vel confirmacio, sive indiguli agnicio, quem nullus interpolare audeat, vel mutilare, vel cum socordia conetur exturbare abhinc et deinceps, quod est in capud hunc preceptum in ordine porrectam, sicut scriptum est, et constitutum in tempore hoc, mense Aprilis die VIIII. Kal. Maii, luna. X., c)IIII. P. C. T. VIIa. ciclus giri solaris postquam ingressi sunt fiunt XV, et antequam egrediantur ad capud abemus A.XIII. anno isto obiit Leutarius rex, qui regnavit annos XXX. et menses X, post obitum eius anno I. ingrediente, regnante filio eius Leudevico rege.
Sig+num Borrellus gratiâ Dei commes et marchio. = Sig+n. Raimundus commes gratiâ Dei. = Sig+n. Ermengode commes gratiâ Dei. = Sig+n. Ermemirus gratiâ Dei vicescomes, qui hunc preceptum vicem nostram, et omni regni nostri principum, seu pontifices, seu clericorum, abbatum, monacorum, et omnem gradum ecclesie, sive laicos, vicescommites et seniores, vel viliores personas regimini nostro parencium, simul confirmamus, et ad honorem eximium referimus quid etiam et in dilectione proximi abeatur et impletur, fiat semper, et oblivioni nullo modo fuscetur, hoc signum indidi pro hoc roborem validum statui, et omnes firmare rogavimus. = Sign. Vivas gratiâ Dei epus. = S. Odo gratiâ Dei abba de cenobio Sancti Cucufati. = S. Ennego que vocant Bonofilio. = S. Bonucio. = S. Geribertus vicecommes. = S. Ermegeldus sacer et iudex. = S. Wisadus. = S. Ioce+fredus (Iocefredus hermano de Borrell) frater Borrello commes. = Seniofredus +. = S. Wifredus. = Seniofredus gratiâ Dei vicescommes. = Gondemarus gratiâ Dei ac si indignus epus. = Frugifer umillimus presul. = Remundus. = S. Trasovarius. = S. Gocefredus. = S. Wisibaldus. = S. Sendredus. = Wifredus. = S. Ermengaudus comes. = Sig+n. Ranimirus pbr. cum litteris rasis...