XI.
Litterae dominae M. Reginae ad Infantem Petrum, filium Sancii, Regis Portugaliae et Domini Maioricarum, ab an. MCCXXXI ad an. MCCLV. (Vid. pág. 45.)
Ex autogr. in arch. eccl. Maioric.
Karissimo fratri suo Infanti dompno P. ac Domino regni Maioricarum domina M. Dei gratia Regina salutem tamquam ei quem multum diligo, et de quo multum confido. Vidi vestras litteras, et multum vobis gratificor quanta mihi dicere mandastis; et mitto vobis per Garssiam Petri reliquias quas mihi significastis, scilicet, lanceam longam (f. longineam) quae vos defendat, et digitum Magdalenae quod roget pro meo germano, quomodo rogavit pro suo; et ideo vobis mitto et mitto pedi vestro de pede Sancti Canuto, cum isto corallo quod fuit positus in sepulchro Domini et super multas alias reliquias, et dicunt quod reliquiae istius Sancti numquam illas ponunt super aliquem dolorem, quod statim non sanent. Et rogo pro Deo quod de vestro statu et salute et quomodo postea de vobis fuit et adubastis, quod me semper certificetis per quemcumque videritis ad partes ista venire (ista-venire), sive per arlocas (sic) et peregrinos, et semper habeam vestrum mandatum per quemcumque sit. Praeterea ad me venit unus miles et unus monachus de Domina Maria Roderici cum suo mandato, et mihi dixerunt quod multum eratis opus in Maiorigam et multa mihi dixerunt, quae vobis significo per G. Petri. Data apud Baucias XV. die aprilis.
(Sólo hay una carta)
