XX. Inocentii Papae IV. bulla qua ecclesias et possesiones Sedis Maioricensis confirmat, an. MCCXLVIII (1248).

XX.

Inocentii Papae IV. bulla qua ecclesias et possesiones Sedis Maioricensis confirmat, an. MCCXLVIII (1248). (Vid. pág. 131.)

Ex orig. carta in arch. eccl. Maioric.

Inocentius Episcopus, servus servorum Dei. Venerabili fratri... Episcopo Maioricarum, salutem et Apostolicam benedictionem. Cum a nobis petitur quod iustum est et honestum, tam vigor equitatis, quam ordo exigit rationis, ut id per sollicitudinem officii nostri ad debitum perducatur effectum. Ea propter tuis iustis postulationibus grato concurrentes assensu, ecclesiam Maioricarum, ad Romanam ecclesiam, nullo medio pertinentem, cum ecclesiis, castris, villis, hominibus, possessionibus et aliis bonis, quae in praesentiarum rationabiliter possidet, aut in futurum iustis modis praestante Domino poterit adipisci, sub beati Petri et nostra protectione suscipimus, et praesentis scripti patrocinio communimus: nomina praedictorum bonorum praesentibus inseri facientes, quae talia sunt: in civitate Maioricarum S. Eulaliae, S. Crucis, S. Jacobi et S. Michaelis ecclesiae, cum omnibus pertinentiis earundem: S. Andreae, S. Anthonii et S. Mariae Magdalenae monasteria cum capellis dependentibus ab eisdem, et omnibus pertinentiis eorundem: in dioecesi vero Maioricarum S. Mariae de Barraxino, S. Mariae de Camino, de Olezono, S. Mariae de Rubines et S. Petri de Censelis ecclesiae cum omnibus pertinenciis earundem: S. Mariae de Incha, S. Laurentii de Silver, S. Michaelis de Campaneto, de Polentia, de Scorcha et S. Jacobi de Guinyent ecclesiae cum omnibus pertinentiis earundem: S. Johannis et S. Margaretae de Muro, S. Mariae de Artano, S. Mariae de Belveher, S. Mariae de Monachor, S. Mariae et S. Johannis de Filinig ecclesiae cum omnibus pertinentiis suis: S. Juliani de Campos, S. Mariae et S. Petri de Muntueri, S. Michaelis de Lucomaiori, S. Mariae de Xisneu, S. Petri de Petra, S. Mariae de Bunyola, S. Bartholomei de Soler et S. Mariae Vallis de Mossa ecclesiae cum omnibus pertinentiis suis: S. Petri de Sporles, S. Mariae de Podio pungenti, S. Johannis de Caviano et S. Mariae de Andraxio ecclesiae cum omnibus pertinentiis earundem: domus, possessiones et redditus, quos habet in civitate praedicta: possessiones et redditus quos habet in territorio civitatis eiusdem: possessiones et redditus quos habet in territorio de Barrachino, de Cavapossa, de Incha, de Muro, de Isneu (Sineu; Xisneu más arriba), de Petra, de Artano, de Campos et de Montueri villarum: molendina quae habet in civitate ac dioecesi Maioricensi: possessiones et redditus quos habet in territorio de Polentia, de Guinyent, de Monachor, de Filinig, de Podio pungenti, de Cavyano et de Andrax villarum: possessiones et redditus quos habet in territorio de Montanis, de Siler, de Spurlis, de Caneto et de Bunyola villarum, et pars quam habet in villa de Incha, et pars quam habet in villa de Polentia. Nulli ergo omnino hominum liceat, etc. Si quis autem hoc attemptare, etc. Datum Lugduni XVIII. kal. maii, pontificatus nostri anno quinto.

LXI. Concessio vicesima reddituum ecclesiasticorum Regi Aragonum, facta a concilio Tarraconae congregato, an. MCCXLVIII. (1248)

LXI. 

Concessio vicesima reddituum ecclesiasticorum Regi Aragonum, facta a concilio Tarraconae congregato, an. MCCXLVIII. (1248) (Vid. pág. 216.)

Pateat universis quod Nos P. miseratione divina Terrachon. Arch. P. Dertusan. V. Oscen. P. Barchin. G. Ilerden, et A. Valent. Episcopi, P. Albertus, canonicus Barchin. procurator sui Capituli, ac B. Gerunden. Ep. Bngs. Burdi, procurator B. Vicen. Ep., Benedictus de Pratis, procurator Urgellen. Ep.; P. de Legato, Cantor Illerden. procurator eiusd. Capituli, S. de Boleya, canonicus, procurator Oscens. Capit., Geraldus, Sacrista Caesaraugust. procurator Cesaraug. Ep. et S. Petri, procurator Tirason. Ep. Frater D. Rivipollen. et Fr. Sancti Cucuphatis Abbates, in Terrac. concilio congregati attendentes quod vos Dnus. Ja. Dei gra. Rex Aragon., zelum fidei catholicae habentes pre occulis ad expulsionem Sarracenorum de regno Valentiae attenta sollicitudine laboratis, vestram etiam necessitatem et utilitatem nostram propriam in parte huius reputantes, de Dni. Papae voluntate atque assensu praemittimus vobis quod praeter vicesimam nostrorum reddituum istius anni, quam hoc anno apud Dertusam vobis dare promissimus, vicesimam nostrorum reddituum sequentis anni vobis dabimus in subsidium negotii memorati, ita quod usque ad kalendas junii proximas primi anni vicesima, et a proximis kalendis junii usque ad annum alterius sive secundi anni vicesima vobis vel uti volueritis compleantur. Actum est hoc idus marcii, anno Dni. M.CC. quadragesimo VIII. Ego Petrus Sanctae Terrachon. ecclae. Archieps. subscribo. = Ego Poncius Dertuxe Eps. subscribo +. = Ego Vitalis Vicensis Eps. subsc. + = Ego Fr. Petrus Barchin. Eps. subsc. = Ego Fr. G. Ilerden. Eps. subs. = Ego Fr. Andreas Valent. Eps. subs (.) = Ego Guillermus de Alarico, notarius Dni. Archiepi. supra dicti haec scripsi mandato omnium praedictorum die et anno prefixis.

XXII. Charta episcopi Urgell. in favorem monasterii de Bellpuig ordinis Praemonstratensis, anno MCCXLVIII

XXII. 

Charta episcopi Urgell. in favorem monasterii de Bellpuig ordinis Praemonstratensis, anno MCCXLVIII (Vid. pág. 79). 

Universis sancte matris ecclesiae filiis innotescat quod nos Poncius miseracione divina Urgellensis Episcopus, cum assensu et expressa voluntate Urgellen. Capituli, religionem, in qua Premonstratensis ordo militat, pariter attendentes, ob remedium animarum nostrarum, consideracione quoque obsidii tes... quod conventus et monasterium Bellipodii Ordin. eiusdem nobis et Urgellensi Ecclesiae condam multimodis et fideliter impendit, ac sepe et sepius ad honorem, libitum et voluntatem nostram impendere... ponit, dignum et justum est, ut tuicione seu municione nostri privilegii conventus et succesores eiusdem perpetuo gaudeant et letentur. Ideoque vobis karissimis in Christo filiis et amicis, Johann Dei gracia Abbati et conventui Pulcripodii praedicti, vestrisque succesoribus universis (hay 2 s), per nos et omnes successores nostros de comuni deliberacione et consilio, ac etiam ex certa sciencia, bona fide sine verborum cabillacione et dolo quicquid de defunccionibus seu legatis per totam nostram diocesim husque in diem hodiernam accepistis vel vobis dimissum est cum ad nostram voluntatem nobis satisfactum est competenter, liberali benignitate remittimus ac etiam donamus, et perpetuo penitus indulgemus. Adentes, pari forma donantes, eciam remittentes, indulgentes ac bona fide perpetuo concedentes vobis et succesoribus vestris universis quod de legatis sive defunccionibus vobis vestroque monasterio per totam nostram diocesim de cetero dimissis sive dimittendis, licet de jure communi quartam partem dare tenebamini, nisi decimam partem tantumodo de mobilibus ab hinc vos dare teneamini. Imo omnes predictas defuncciones sive futura legata integre sine aliqua diminucione iure nostre donacionis et concessionis vos et succesores vestri habeatis in perpetuum, recipiatis, teneatis, possideatis, et expletetis pacifice (pone patcificfe) et potenter ad omnes vestras vestrorumque voluntates perpetuo faciendas, sine aliquo nostro, seu aliquorum contradictu. Retenta tamen mense episcopali nostrae decima parte de mobilibus tantum ut dictum est; quam nobis et successoribus tantumodo fideliter tribuatis. Lectos autem et purpuras, sive pannos, seu eciam universas quaslibet bestias, de eodem liberali benignitate integre et sine diminucione seu retencione aliqua vobis praedictis vestrisque succesoribus nichilominus damus, concedimus perpetim penitus, et indulgemus. Addentes insuper quod si qua presenti pagine desunt, quae nunc vel in posterum vobis vel successoribus vestris prodesse valeant, ad vestrum bonum vestrorumque sanum intellectum sine dolo et diminucione ac exceptione aliqua apposita intelligantur. Excipimus tamen quod honores, possessiones, predia rustica vel urbana, et qualibet inmobilia, que pro nobis specialiter tenentur vel possidentur, non possitis recipere ab aliquibus vel retinere absque nostra vel nostrorum successorum licencia speciali. Ut autem fides plenior presenti cedule adhibeatur, eandem propiis manibus nostris firmantes, sigilli nostri munimine duximus roborandam = Nos autem Abbas Bellipodii praedictus, totusque eiusdem loci conventus predictam elemosinam et liberalem indulgenciam a clementi et dulcissima paternitate vestra, nobis nostrisque successoribus pie, et liberaliter impense, et gratanter amplectentes, et Domino Deo, vobisque donatoribus universis gratias multiplices hummiliter peragentes, vos Domnum Episcopum totumque Urgelen. Capitulum ac successores vestros in spirituales fratres et socios nostri monasterii spiritualiter suscipimus; et unicuique vestrum in missis, oracionibus, jeiuniis, vigiliis, affliccionibus, elemosinis, ceterisque aliis bonis, quae in nostro monasterio Altissimo de cetero fient acceptabilia, sicut uni ex nobis porcionem propriam indulgemus; et annis singulis in Quadragesima, ut ¡n Kalendario nostro scriptum est, pro Episcopis et Canonicis Urgellensis Ecclesiae defunctis proprium anniversarium, sicut ordo noster sollempniter facere consuevit, promittimus perpetuo nos facturos. Dat. apud sedem septimo Idus Madii anno Dni. MCC. quadragesimo octavo. = Sig+num Poncii Urgellen. Epi. = Sig+num B. Prioris Urgellen. = Sig+num B. de Talarn Urgell. Sacriste. = Sig+num Ricardi Archidiaconi Urgellen. et Rectoris Ecclesiae de Balaguer. = Sig+num R. de Todinano Archidiaconi de Pratis in Ecclesiae Urgellen. = Sig+num Bernardi de Foliano archidiaconi de Gerpin Ecclesiae Urgellen. = Sig+num B. de Barberano Abbatis. = Sig+num Petri de Anaugia Praecentoris. = Sig+num R. Catelli Canonici Urgellen. = Sig+num Petri Andreae Decani de Valdelord ac Canonici Urgellen. = Sig+num B. Bulols Canon. Urgellensis. = Sig+num Johannis de Tormeda Capellani Sancti Ordonis. = Sig+num Benedicti de Pratis Canonici Operarii Urgellen. = S. Petri de Covecto Canon. Urgell. = Sig+num G. de Sorigera Canon. = Sig+num A. de Querol Canon. =  Sig+num Magistri Berengarii Canonici. = Sig+num R. de Speluncha (Espelunca : Espluga) Canonici. = S. Bernardi Boiga Canon. = Sig+num Berengarii de Villamuro Canonici. = Sig+num M. Prioris Guissone et Decani Urgellen. = Sig+num P. de Sorigera Decani Urgell. = Sig+num P. de Sancto Justo Capellani Camarase qui hoc firmo. = Sig+num P. Zaclusa (ça clusa) Rectoris Ecclesiae de Menargis qui ex certa scientia hoc firmo. = Sig+num Blascho militis. = Sig+num Guidonis de Frexa. = Sig+num Bernardi de Cerceto: Testium. Raimundus de Monteliano Notarius Dni. Epi. de mandato ipsius scripsit hec et apposuit suum sig+num die et anno prefatis. Nos Aprilis Dei gratia Urgellen. Epus. apud predictum (pone preditum) monasterium Bellipodii constituti XIV Kal. junii anno Domini M.CC.LVIII supra scripta roboramus et fff. = Sig+num A. de Ripellis Urgell. Canonici. = Sig+num B. de Garrigosa Urgellen. Canonici. = Sig+num Johannis Pelagii Urgellen. Salaman. Canonici fff. - Nos Petrus miseratione divina Urgellen (pone Ugellen). Epus. apud predictum monasterium constituti VIII kalendas aprilis anno Christi MCCLXX. supra scripta firmamus et roboramus fff. 

VII. Licentia fratribus Minoribus concessa, ut defunctum in propria eccles. sepelire possent, anno MCCLXVIII.

VII. 

Licentia fratribus Minoribus concessa, ut defunctum in propria eccles. sepelire possent, anno MCCLXVIII. (V. pág. 45.) 

Ex arch. cap. Vicens. 

Pateat cunctis, quod cum Guilabertus de Albaies, mayordomus domini Gastonis infirmaretur apud Tonam in domo Petri de Fonte, Guillelmus Raimundi de Doazeto procurator domini Gastonis dixit Guardiano, et fratribus Minoribus de Vico, quod ipse elegerat sepulturam in domo eorum, et Guardianus et alii fratres responderunt, quod non sepelirent ipsum sine licentia et voluntate ecclesiae Vicen. Dictus vero Guillermus Raimundi de Doazeto rogavit capitulum Vicen., quod vellet et consentiret, quod corpus dicti Guilaberti sepeliretur in dicta domo fratrum Minorum. Illi vero canonici, qui tunc erant presentes in ecclesia Vicen., scilicet, Guillelmus Xetmar, Petrus de Ayreis, Ferrarius de Tornamira, Petrus de Sancto Hipólito, Guillelmus de Mirabals, Petrus de Pausa, Gaucerandus de Savassona, Bernardus de Plano, et Petrus de Torrentibus, habitâ deliberatione super hoc, quia iste erat primus, qui ibi elegerat sepulturam, dubitaverunt istud concedere, cum dominus episcopus, archidiaconus, et sacrista, et quidam alii canonici eiusdem ecclesiae essent apud Terrachonam pro electione archiepiscopi. Tandem ob honorem domni Gastonis, et predicti Guillelmi Raimundi, et quia dictus Guilabertus erat extraneus, concesserunt, de gratia tamen, quod absque omni preiudicio ecclesiae Vicen. et aliarum ecclesiarum Vicen. diócesis, corpus dicti Guilaberti sepeliretur in predicta domo fratrum Minorum; non consencientes, neque concedentes aliâs, quod fratres Minores habeant sepulturam nisi fratrum suorum. Et dicti canonici preceperunt (se lee preceperuut) Petro de Aliberoso scriptori, quod de ista licentia faceret publicum instrumentum. Quod est factum IIII. Nonas Augusti, anno Domini M.CCLX. octavo. Testes huius rei sunt Bernardus Pontii Iurisperitus, civis Barchinonen., Ferrarius Cochi, Petrus Coqui, Berengarius Dulceti, Guillelmus de... Petrus de Sala iurisperitus, Raimundus Michaëlis, Arnaldus de Podiolo (Pujol, de Podio, Puig, Puch, Pueyo, Pui), Berengarius de Sancto Salvatore, Petrus Blanchi de Guardiola, Matheus Gali, Ferrarius de Hospitali, Berengarius Poleti, et plures alii. = Sig+num Petri de Ayreis Vicen. canonici et publici villae Vici not. = Sig+num Petri de Alibero scriptoris iurati, qui haec scribi fecit et clausit mandato Petri de Ayreis publici Vicen. notarii, die et anno quo supra.