XIV. Acta dedicationis monasterii de Matta in comitatu Bergitanensi anno DCCCC. (900)

XIV. 

Acta dedicationis monasterii de Matta in comitatu Bergitanensi anno DCCCC. (900) (V. pág. 71.) 

Ex autogr. in arch. Eccl. Urgell.

Anno Incarnationis Domini nostri Jhesu Christi DCCCC. Idus Decembri anno II. regnante Karolo gloriossisimo Rege veniens quidam venerabilis Nantigissus Orgellensis Episcopus in territorio Bergetanensi in locum vocitatum Matta Monasterii rogatus ad Benerabili Sunilani Abbati, sive et hominibus circum manentibus, id est, de illa Sponna, et villa regali certantes in Dei servitio, et Ecclesiam Dei restauratores, rogantes et postulantes venerabilem Praesulem Nantigisum nomine ad Ecclesiam consecrandum in honorem Domini et Salvatoris nostri Jhesu Christi sicuti et fecit. In primis propter honorem Dei et remuneratione animae suae ut per intercessione eius vel Omnium Sanctorum veniam consequi mereatur. Ideo ego jam dictus Sunila Abba vel cetera plebs habitantes in Matta Monasterii vel in ipsa parroechia tradimus jam dicta Ecclesia in potestate Domni et piissimi Pontificis nostri Nantigisi ad consecrandum sicut sancti canones constituunt, adque decernunt, et ut ante tribunal eterni Judicis remedium animae nostrae accipere mereamur. Dono ego jam dictus Sunila Abba ad ipsa Ecclesia casale et orto prope ipsa Ecclesia qui de una parte abet orto de me ipso, et de alia abet strata, et de tertia finit in stirpe. Et ad illa Villa regale dono terra moditas (modiatas) VIII. qui de una parte abet terra Trasilani, et de alia parte abet torrente, et de tertia finit in strata cum ipso Villare ab omni integrietati. Haec omnia dono ego Sunila Abba ad jam dicta Ecclesia propter remedium anime mee ut ante tribunal eterni Judicis per intercessione eius premia eterna consequi merear. Et ego Trasila dono ad ipsa Ecclesia ad prope ipsa terra quartata I. Et qui contra hunc factum nostrum venerit ad inrumpendum, aut nos venerimus haec omnia superius nominatum quadruplum conponat ad ipsa jam dicta Ecclesia et in ab antea ista donatio propter remedium anime nostre firmis permaneat. Ideo ego Nantigisus Episcopus consecro ipsa Esclesia, et trado illi parroechia per illam strata de Caridona usque in Villafreda, et usque in Villa Castellani et per illas... usque ad rivo de Ardi capello et per Villa de Corbera usque ad Tibirana, et per torrente profundo usque ad illa Guardia, et per illo ribo de Clerano usque ad illa strata. Trado ipsa parroechia ad domum Domini Salvatoris nostri, ut omnis qui hunc terminum laboraverint cum omnes decimas et primitias de omni re quod nominari potest homo ad jam dicta Ecclesia semper occurrant deincebs et in antea. Et nullus alius Sacerdos infra hunc terminum constitutum decimas usurpet, sed integras perveniant ad jam dicta Ecclesia ad Sacerdotem qui per nostrum consensum eas digne regerit. Et sic jubeo adque decerno ut per singulos annos omnis Sacerdos qui istam Ecclesia legitime tenuerit, solvere faciat in servitio Episcopatus Sancte Marie Orgelletane Sedis modios VI de annona et solidos III et agnos II. Et si quis contra hunc decretum nostrum ausus fuerit usurpare decimas vel primitias, omnia quod accepit, reddat in quadruplum et insuper anathematis vinculo sciat se abligatum. = Sunila Abba qui per consensum Episcopi Benerabilis Nanteguisi vel ceteros cannonicos dotem fieri volui et subscripsi. = Nantigisus Episcopus ahnc (hanc) consecrationis dotem firmavi et subscripsi. = Baldricus Presbyter subscripsi. = Centullus Presbyter qui hanc dotem scripsit et subscripsit die et anno quo supra. 

XXI. Acta dedicationis ecclesiae de Lacorre, anno DCCCC. (900)

XXI. 

Acta dedicationis ecclesiae de Lacorre, anno DCCCC. (900) (V. pág. 100.) 

Ex autogr. in arch. monast. S. Petri de la Portella. 

Anno ab incarnationis Domini nostri Iesu Christi nongentesimo, era nongentesima XXXVIII. indictione X. die chalendarum Decembr¡um, anno II. regnante Karolo rege, venerabilis Nangecitissus Orgellencis episcopus quidem veniens in territorio Bergitanensi, in locum quem nuncupant Lacorre, rogatus a Georgio vel a Frugane, sive etiam ad alios viros certantes in Dei servitio, et ecclesiam Dei hedificatores, scilicet his nominibus: Sidela, Leuricus, Guitta, Oliva, Ermemirus, Igela, Sirandus, Billitus, Grutas, Gallavoncus, Donatus, Rudo, Petrascius, Estegissus, Manso, Angemirus, Guadamirus, Ascenarius, Fortus, Venredlus, Sentullus, Tollalegus, Guifredus, Cursio, Moratellus, Bernardus, Ursio, Stabilis, Gontarius (Günter, Günther alemán), Bera, Petrus. Hii omnes supra dicti vel alii plures rogaverunt iam nominatum venerabilem Nantegissum episcopum, ut veniret ad ecclesias idolorum consecrandas in honore Beatae Mariae virginis, qui est fundata in ipsa rocha (ça roca, sa roca, Sarroca), et Sanchti Saturnini martiris, et Sanchti Hylarii confessoris, sicuti et fecit. In primis propter amorem Dei et omnes sanchti eius, et remunerationis animae nostrae, ideo nos supra dicti homines tradimus ipsas ecclesias in potestatem domni Nantegisii pontificis nostri ad consecrandum, ut ille consecret in honore Beatae Mariae virginis et Sanchti Saturnini, necnon et Sanchti Hylarii, sicut sancti canones constituerunt, ut ille et nos ante tribunal iudicis remedium animae nostrae accipiamus, et parentum nostrorum. Et ego iam dictus Nantegisus episcopus consecro ecclesias supra nominatas, die presente, feria V. Cal. Desembris, et dono cimiterium ex utrisque partibus XL. passuum ex unaquaque parte. Ideoque nos homines supra dictos donamus ad ipsas ecclesias et dotamus eas, et in donaria donamus alodium quod est ad ipsa Spuga, quae de una parte habet Rodaleig, et de alia habet torrentem, et de tertia finit in rocha, et de quarta pervadit usque in collo de Iuvell. Et in alio loco donamus terra qui est ad ipsos Uxos, quae de duas partes habet terras incultas de nosmedipsos supra taxatos. Et donamus ibi vinea qui est in locum ubi dicitur ad ipsa Spuga, quae de una parte habet limitem, et de alias duas torrentes, et quarta finit in rocha. Quia nos Entegius et Manso et Guadamirus donamus ad iam dictas ecclesias ipsa cella cum una curte, et ortos qui ibidem sunt, quae afrontat ad ipsas ecclesias. Et ego Fruga dono ipsa terra, quam comparavi de Sidelane et Olivane plus minus quarterades tres, quae de una parte habet strata, et de alia habet stirpe, et de tertia habet rivo. Et donamus in illo loco de ipsa Corre (ça Corre, Sacorre, Lacorre) una pecia de terra. Et in alio loco in collo de Iuvel donamus alia pessia de terra, quae de una parte habet strata. Et nos homines supra dictos donamus ad ipsas ecclesias hoc superius nominatum est, propter remedium animarum nostrarum, in dote ab omni integritate. Si quis contra hanc cartam dotariam vel donationis venerit pro inrumpendum, non hoc valeat vindicare, sed componat in quadruplum. Ideoque ego Nantegissus episcopus, qui consecravi ipsas ecclesias, trado eis parrochia de flumine Admest usque in rivo de Borredano, et de alia parte de iam dicto rivo Borresdanensi usque in serra de Mascharone (Mascaró), et sic pervadit usque in monte Sancto, (Montsant) et de tertia parte de iam dicto monte Sancto pervadit usque in Quadros, et de IIII. parte de iam dictos Quadros pervenit usque iam dicto Bosrredane. Et sicut hii IIII. termini ambiunt cum finibus et adiacentiis suis, omnes homines qui infra hos terminos laboraverint, omnes decimas et primicias de omni re dono vel concedo ad iam dictas ecclesias. Et nullus alios sacerdos infra hunc terminum constitutum decimas vel primicias, nec sacerdos nec ullusque homo non usurpet, sed integras perveniant ad iam dictas ecclesias et ad sacerdotem qui eas per concensum nostrum regerit. Constituo ut per singulos annos terciale censum ipse sacerdos persolvat de annona modios V. et solidos II. denarii. Et ego iam dictus Nantegissus episcopus laudo et confirmo haec carta dotaria vel donationem, sicut iam dictum est. Ideoque si ullus homo vel femina istam kartam dotariam disrumpere voluerit, ad mandamentum voluerit habere in ecclesias, nisi ipsos qui iure debent habere, excomunico et anathematido ex parte Dei omnipotentis et Beati Petri, et per dominum papam Sergium (1) seniorem meum, et nostram adtoritatem (auctoritatem). = Nantegissus Orgellensis episcopus +. = Benedictus archidiachonus +. = S¡g+num Sidela. = Sig+num Leuricus. = S¡g+num Guitta. = Sig+num Oliva. = Data per manus Borrellus presbiter sub die et anno prefato. 

(1) Eius scilicet nominis III. Rom. pontificem; qui anno 898. post Theodori II. mortem electus, Româ per septennium exulare coactus est, urgentibus iis qui B. Petri sedem invaserunt, quam non nisi anno 904. licuit occupare. Nantigisus autem noster ut verum eum papam agnoscebat hoc anno 900, in cuius rei testimonium seniorem meum ipsum placuit appellare.