XXIX. Donatio ecclesiae de Flix facta ecclesiae et monasterio S. Petri Bisuldunensi per Gaufredum Episcopum et Capitulum Dertusens. sub certis conditionibus in ea contentis, an. MCLXVI. (1166)

XXIX. 

Donatio ecclesiae de Flix facta ecclesiae et monasterio S. Petri Bisuldunensi per Gaufredum Episcopum et Capitulum Dertusens. sub certis conditionibus in ea contentis, an. MCLXVI. (1166) (Vid. pág. 99). 

Ex arch. ecclae. Dertus. 

Quoniam facta mortalium cum auctoribus suis tabes oblivionis semper invidia (f. invida) memoriae scriptorum inopia delere consuevit; ego Gaufredus Dertusensis dictus Episcopus, et qui mecum sunt in eadem ecclesia fratres, tam vivorum praesentiae, quam futurorum posteritati scripto tradere curavimus donum ecclesiae de Flix ecclesiae S. Petri Bisillunensis, et Bernardo eiusdem Abbati, suisque successoribus in perpetuum; hoc inquam donum facimus praenominatae ecclesiae, salvo iure episcopali, retenta scilicet quarta parte decimarum, de quibuscumque monachi decimas acceperint in Flix, et in terminis eius. Damus autem praedictis monachis decimas de propriis animalibus suis, et de proprio orto suo uno, et de propria vinea una, dum prior (qui) ex permissione Episcopi absque capellano fuerit, promittat obedientiam Episcopo in omnibus in quibus capellanus obediens esse debet. Cum autem Abbas, sive Prior gerens vicem eius capellanum in praefata ecclesia posuerint, praesentabit eum Episcopo, qui possit discernere utrum sit litterata persona, inreprehensibilis, acceptione digna. Praesentatus autem capellanus promittat obedientiam Episcopo, et accipiat ab eo curam animarum; et ipse et Prior cum Episcopo sanctam sinodum celebrent, et ab eadem ecclesia sanctum crisma reportent, iustitiam teneant ex praecepto Episcopi, sicut sacri canones docent. Haec siquidem fuit convenientia, quam habuit praedictus Abbas cum Episcopo, ut omnes possessiones quas posset adquirere vel emere in episcopatu Dertusensi et Illerdensi, daret ecclesiae de Flix, excepta possessione de Corbins, quam retinuit propriam ecclesia Bisuldunensis ad aniversarium agendum Comitis Barchinonensis. Hoc scriptum factum est anno Dominicae Incarnationis M.C.LX.V., (1165) V. idus januarii, tempore Ludovici Regis Junioris, et Raimundi Berengarii, Comitis Barchinonensis, et Principis Aragonensis (a). 

Sig+num Gaufredi Dertusensis ecclesiae Episcopi. = Sig+num Geraldi presbiteri et canonici Dertusensis. = Sig+num Ilarii canonici S. Ruphi. = Sig+num Petri de Rigadel (: Rigadell). = Sig+num Bernardi Abbatis. = Sig+num Petri Mironi. = Sig+num Bernardi Prioris Bisulduni. = Sig+num Raimundi Dalmacii. Sig+num Ursi, canonicorum S. Ruphi (b). 

(a) Mendum scriptoris hic agnoscere necesse est, cum anno 1165 Raimundus Comes Barchinonensis iam vivis sublatus existeret: obierat nempe anno 1162. Quin nec ipse Gaufridus in vivis erat, qui mense maio 1165 decesserat. Uterque autem viventes hic inducuntur V. id. jan. 1166. 

(b) Hi qui se canonicos S. Ruphi appellant, canonici ecclesiae S. Mariae Bisuldunensis dicendi sunt, quae vita regulari S. Augustini a saec. XI. florebat, et monasterio S. Ruphi Avenionensi circa finem saec. XI. subdita erat.

Matarramam, Almozug, Avorram,

XCIII
Reg.
9. fol. 18. 1157.

Quod
nos Jacobus etc.^a Vidimus instrumentum donationis
quam Raimundus comes barchinonensis et princeps
aragonensis olim fecit Gascheto de tribus partibus
castri de Flixio cujus tenor talis est. - Notum sit
cunctis quod ego Raimundus comes barchinonensis princeps
regni aragonensis donavi ad Bonifacium duas partes de
Flixio et sicut dedi ei illas duas partes de Flexio sic
dono et filio suo nomine Gascheto et eredi suo illas tres
partes de Flexio integriter et dono ei in Matarramam
Almozug et medietatem et Avorram et LX cafiz de
seminatura in .... et illam Almuniam quam Alfaquimus
provisu meo patri suo tradidit et demonstravit. Actum est hoc anno ab
incarnacione Domini (MCL) septimo. - Sig+num Raimundi comes. Sig+num
Guillelmi Raimundi. Sig+num Guillelmi de Castro-vetero. Sig+num
Arberti de Castro-vetero. Sig+num Raimundi de Podio-alto.
Sig+num Berengarii de Turre-rubea. Sig+num Petri Aicardi qui
hoc scripsit cum literis emmendatis in linea tercia. - Ut igitur in
posterum de ipsius tenore plena pateat certitudo ipsum hic de verbo
ad verbum nichil addito vel mutato fecimus adnotari volentes et
concedentes quod presens pagina tanquam ipsum
originale plenam
imperpetuum in judicio et extra judicium roboris obtineat firmitatem.
Datum apud Dertusam
nonas februarii anno Domini millesimo CCL septimo.

Dertusam
: Tortosa.
anno Domini millesimo CCL septimo : 1257.
anno ab
incarnacione Domini (MCL) septimo: 1157.