XXI.
De libertate testamenta condendi cum aliis donationibus Canonicis Urgellensibus concessa anno MCCI. (Vid. pág. 69.)
Ex Libr. 1. Dotal. Eccl. Urgellen. fol. 11. b.
Quoniam nichil est in humanis rebus, quod magis debeatur hominibus, quam ultimae voluntatis liber stilus, ideo ego Bernardus de Vilamur Dei gratia Urgellensis Episcopus communi omnium eiusdem ecclesiae Canonicorum assensu et acclamatione, rogatu et praecibus, renuncio cuidam pravae et pessimae consuetudini, et eam per me et per omnes successores meos ab eadem ecclesia penitus evello, et in perpetuum extirpo, per quam praedecessores mei quartam partem omnium rerum cuiuslibet Canonici defuncti rapiebant et occupabant, licentia testandi in illa quarta parte dictis Canonicis ab antecessoribus meis omnimodis denegata. Utilitati igitur et libertati ecclesiae Urgellensis invigilans et laborans, concedo et per me et per omnes successores meos constituo, et in perpetuum confirmo, ut de coetero quilibet clericus in Urgellensi ecclesia canonicalem accipiens cibum, liberam omnium rerum suarum habeat testandi facultatem: ita tamen quod solutis debitis de residuo LX. solid. orto relinquad, et si intestatus decesserit, secundum arbitrium sociorum suorum propinquorum Canonicorum, et si propinqui Canonici defuerint aliorum Canonicorum qui familiariores ei fuerint, pro anima sua, sicut melius expedire cognoverint, salva utilitate et reverentia ecclesiae, rebus suis disponatur, deductis tamen prius orto LX. solidis, cum debita soluta fuerint. Ab hac autem libertate excipiuntur Janitores... ego vel aliquis successorum meorum nichil impedire vel contraire valeamus vel attentemus. Et siquis hanc utilem et honestam consuetudinem in aliquo eidem violare vel diminuere praesumpserit, iram Dei incurrat, et excomunicationi subjaceat, et praesuntio sua nullum habeat efectum. Haec omnia superius dicta firma et inviolata semper existant. Praeterea magis ac magis canonicam Urgellensem accrescere et amplificare cupientes, comunicato tocius Capituli... consilio et voluntate per me et per omnes successores meos eidem canonicae dono, et in perpetuum concedo de meas decimas de Bescharan, quas antecessor meus A. de Pereixens bonae memoriae venerabilis vir cuius anima paradisum possideat... eius baiulo a Raimundo de Castellis pro tria milia et C. solidis in pignore acceperunt, et dictas decimas praedictus antecessor meus canonicae Urgellensi assignavit et concessit. Pignus igitur istud, et denarios omnes canonicae Urgellensi, sequens vestigia antecessoris mei, assigno, et in perpetuum concedo. Et si forte dictae decimae a Raimundo de Castellis vel eius successoribus venales unquam expositae fuerint, emendi licentiam habeat dicta canonica, et nullus alius. Et si ullo unquam tempore redimantur, canonica in solidum totam pecuniam habeat. Insuper reddo eidem canonicae vaccas de pratis vallis Andorrae, quas antecessores mei injuste occupaverant et abstulerant. Pernas autem omnes quas canonica in valle Andorra a me exigebat, cum assensu et expressa voluntate omnium Canonicorum mihi et successoribus meis retineo. Actum est hoc anno Christi M.CC.I. IIII. idus septembris. = Sig+num B. de Vilamur Dei gratia Urgellensis Episcopus qui hoc jussi scribere et firmavi, firmarique rogavi. = Sig+num B. de Sancta Fide Urgellensis Sacristae. = Sig+num G. de Petra mola Archidiaconi. = Sig+num P. de Josa Archidiaconi. = Sig+num G. de Charet Archidiaconi. = Sig+num G. de Ribeles Archidiaconi. = Sig+num M. Petri de Maloboscho Archidiaconi. = Sig+num B. de Saga Abbatis Sancti Michaelis. = Sig+num A. Prioris Gissonae. = Sig+num B. de Vilar. = Sig+num R. de Tost Capellani. = Sig+num G. Richard. = Sig+num G. de Pinos. = Sig+num P. Abbatis Sancti Martini, et Canonicus Urgellensis. = Sig+num B. de Sancto Stephano. = Sig+num B. Mironis. = Sig+num A. de Navales. = Sig+num P. de Canturri. = Sig+num A. de Archavel Operar¡i. = Sig+num G. de Tost. = Sig+num R. Capellani Sancti Michaelis. = Sig+num Joannes de Villarubia. = Sig+num B. de Argestus. = Sig+num G. de Saga. = Sig+num B. de Vegt. = Sig+num G. de Sancto Martino. = Sig+num P. de Couced. = Sig+num G... = Sig+num G. de Asnaarri. = Sig+num B. de Ger, qui hoc scripsit.
