XVI bis. Iudicium latum in favorem monasterii Sancti Genesii: anno DCCCCXCIII.

XVI bis. 

Iudicium latum in favorem monasterii Sancti Genesii: anno DCCCCXCIII. (V. pág. 50).

Ex cartor. monast. Lavascensis, fol. 61. 

Notum sit vobis, cunctisque audientibus, quale contentio est vertita in placito de Regimundo Comite, et Borrello Comite, et Suniario Comite, inter illum Atbate Atone, qui custus est de domo Sancti Genesii, et illos homines de Salasse, id est, Randemirus, Davidius, Secofredus, Placianus Presbiter, Oriolus Presbiter, Astesus Presbiter,, Durandus Hila, Possedonius, Ariulpho, Columba. Isti jam dicti vel supra nominati cum suos eredes sic tenebant ipsos alodes de domum Sancti Genesii, qui sunt in comitatum Palariense, in apenditio de Castro Toralia, et in apenditio de Reverte, et in apenditio de Salasse in loco que dicitur Cencui, et in rio de Reverte. Mandavit atque praecepit ille Comes Suniarius ad illum Abbate jam supra nominato Atone, ut mallasset illos homines jam supradictos qui hic resonant; et quomodo dixerunt, ita et fecerunt, et interrogaverunt eos ipsi judices, id est, Fedacho, qui est custus de domum Sanctae Mariae, cuius vocabulum est Sancta Grata, et ille alius Judex Fedacho, qui est de Castro Liminiana. Isti Judices jam dicti interrogaverunt illos homines, si tenebant ipsos alodes, et ipsas vineas, aut non. Et illi elegerunt duos de eredibus suis, qui responsum dederunt; id est, Randemirus et Astesus: ipsos alodes et ipsas vineas, et ipsos torcularios, et ipsos molinos, et ipsos molinares, et ipsas arbores, nos illas tenemus. Et interrogaverunt eos ipsi Judices: pro qua voce illum tenetis. Et illi in suis responsis dixerunt: Parentes nostri illos tenuerunt, et post illius obitum ad nobis dimiserunt. Insensati et bene intellecti Judices interrogaverunt ipsum Atone Abbate, si potuisset abere tales scripturas, qui fuissent anteriores, unde potuisset convincere illos homines, et illas cartulas quod proferrent in illo placito. Et ille Atto Abba in suis responsis dixit: nos habemus scripturas anteriores et meliores de tempore Domno nostro Lodovico Imperatore, et de tempore Ragimundo Comite, qui est condam, et de tempore Isarno Comite, qui est condam, et Lupone Comite, qui est condam, et melius pertinet ad domum Sancti Genesii per istas scripturas, quam ad illos homines per sua genealogia. Aprehenderunt ipsi Judices illas scripturas, et scrutaverunt eas, bene legerunt, et melius intellexerunt, et adfirmaverunt ipsos alodes jam supra nominatos ad domum Sancti Genesii cum suos fines, et suos terminos, et suas agacencias. Ego Ranemirus, et Placianus Presbiter, et Astesus, et Possedonius, et Oriolus Presbiter cum nostros heredes recognoscemus nos a petitione de Atone Abbate, quod melius pertinent ipsi alodes ad domum Sancti Genesii per suas scripturas, quam ad nullum alium hominem. Videte non menciatis, nec vobis crimen non imponatis; videte, non mentimus, nec nobis crimen non imponimus, sed veraciter nos recognoscemus in vestro supradicto juditio. Et hec nostra recognitio vel exvacuatio vera est, et non falsa. Facta ista recognitione vel exvacuatione III kalendas Marcii, anno VIII, regnante Ugo Magno Rege, et Karllo expectantem qui est in vinculo. = Sig+num Randemirus. = Sig+num Davidius. = Sig+num Secofredus. = Sig+num Placianus Presbiter. = Sig+num Oriolus Presbiter. = Sig+num Astesus. = Sig+num Durandus. = Sig+num Ichila. = Sig+num  Possedonius. = Sig+num Ariulfo. = Sig+num Columba, qui hanc recognitione vel exvacuatione fecimus, et testes rogavimus ut sua signa facerent. = Sig+num  Ramio Altemiri. = Sig+num Ato Gifridi. = Sig+num Miro Arioli. = Servus Dei et Borrellus, Asnerius, Ichila visores sunt. = Miro Levita rogatus scripsit et subscripsit sub die et anno que supra. = Raimundus Comes. = Borrellus ss.° = Suniarius ss.° = Fedacho Judex + fecit ss.°

XXVIII. Acta electionis Eimili in abbatem eiusdem monasterii, anno DCCCCXCIII. (993)

XXVIII. 

Acta electionis Eimili in abbatem eiusdem monasterii, anno DCCCCXCIII. (993) (V. pág. 136.) 

Ibid. ex autogr. 

Cum priscorum multiformis etas seris oppido subsolaribus prelongum sine legibus consumeret aevum, cumque exiciale cuncti subirent periculum, sacrum quoque mortale genus invaderet letum; cumque miseratus Deus suum plasma voluisset pociori iure uti, statuissetque preesse, qui apciora legerent sanccita, ne sua racionalis factura periret errabunda, dechorosque diversi ordinis sublimasset gradus, in quibus velut in supernis astris aurea effulgeret helencorum speciositas, et quemque pro dignitate sui culminis; nec latere posset fas fore vivere, nisi sub tuente ductore, quae olim visebatur tetra et infima, mox elatioribus subdita ceu rutilans enituit in monte lucerna. Dico autem quoniam a tempore rudi sortis (f. sontis) Adae usque ad Moseos, qui tutores dicerentur et patres extitere. Inde usque ad mediatorem Dei et hominum Xpm Ihm acc fides propcior accessit. Hic ergo cum sit Deus, non solum nos paternitatis seu germinitatis voluit relatione censeri, sed quodamodo mirabiliter se nobis fraternitate concxuit, et suum qui essentialiter genitor est, nobis in commune exorandum significavit. Hac vero de causa, alciori, hac mistico, et bene provido instituto eruditi eruditiores patres, hocque altâ habentes mente repositum, quod humilitas omnia vincit, semper sibi se omnes meliores existimantes, transeuntisque genitoris obliviscentes, eosque, qui finem nequaquam marcesserent, patres sibi adobtantes, racionabili instituere proposito, ut hi qui sua relinqunt Xpum sequentes, nilque sui iuri dimittunt, quoniam Deus eorum ereditas est, talibus semper subdantur patribus. Huiusmodi igitur genus religionis avitorum auctoritas tenuit patrum, praecipue Basilium, nostrumque admirabilem secuti Benedictum; cuius solius insignis norma iam pene totum sibi subegit mundum. Illius ergo institutionis immitatores eum condecet legere sibi pastorem, qui eius contemnat (contendat) sequi vestigia. Quamobrem nos moenia inabitantes zenobii Sancte Marie Virginis, Sanctique Urbici martiris Xpi, est quod situm in comitatum Berguitano, in locum nuncupativo Serra de Taxo (Serrateix), nunc demum concertamus parere ei, qui innitatur regule Benedicti. Itaque in Dei nomine ego Froylus abba non possum obedienciam Sancte Marie, Sanctique Urbici exercere, et gubernare, nec legem meam adimplere, quia defecit virtus mea, et loquela mea. Nam et ego Froylus abba simul cum omnibus fratribus in cenobio iam dicto quoabitantibus secundum regulam sancti hac beatissimi patris nostri Benedicti, unâ cum consensu domna Ermengardis comitissa, simul cum proles sui, idest, domnus Bernardus gratiâ Dei comes, et fratres sui Wifredus comes, et Oliba gratiâ Dei comes, et domno Beraegerus (1) 

gratiâ Dei presul, domnique Sanlani egregii presulis sedis Orgellitensis, seu eorum, qui primates sunt istius terre, hunc preclarissimum virum nomine Eymilus (Eimilus), Deo per omnia dignum, monachili abitu comptum, bonitate clarissime prefulgentem, de nostrae congregationis medio nobis pastorem et patrem eligimus, adclamamus, adoptamus, dextrisque propriis que edita sunt confirmamus. Novimus autem hunc de quo loquimur, virum, ipsius summi opificis Xpi Ihesu gratiâ largiente, a primevo aetatis sue tirocinio regis aeterni excubiis militantem, sanctis moribus ornatum, prudentiâ illustrem, sapientiâque, quae secundum Deum et homines est, copiosissime affluentem, sollertiâque pervigilem, lenitate placabilem, quo et serpentis astuciam cum Dñi lege custodiat, et columbe simplici animum non admittat; et ut verius fateamur, dignum in quo Dñus habitet templum, sicut ipsa deitas protestatur dicens: ¿Super quem requiescit spiritus meus, nisi super humilem, et quietum, et trementem sermones meos?

Acta sunt autem haec, que circa hunc preclarissimum virum decentissime promulgantur, nullis penitus interruptionibus in posterum infringenda, solari tram... er currente, anno ab incarnatione herili DCCCC(XCIII), era millesima (XXXI), nonas Iunii, anno VI quod Ugo Francigeni (rey Hugo de Francia) regnandi sumpsit exordium, ac iuvante Dño nostro Ihu Xpo, cui est et potestas per numquam finienda seculorum secula. Amen. 

(1) Certe Berengarius episcopus Elnensis, quartus ordine Olivae et Ermengardis comitum filius. 

Froylus abba SS. = Sig+num Bladinus monachus. = Sig+num Senteldus monachus. =  Sig+num Geldemirus monachus. = Wadamirus monachus. = Soniefredus (Seniofredus) pbr. = Adalbertus pbr.  SS. = Olibus clericus. = Wilielmus monachus. = Ato pbr. = Seniofredus clericus et monachus. = 

Sig+num Ermengardis comitissa. = Bernardus +. = Sig+num Bernardus vicescomes. = Salla gratiâ Dei eps SS. = Sig+num Bernardus gratiâ Dei comis. = Sig+n. Wifredus gratiâ Dei comes. = Raimundus gratiâ Dei vicescomes. = Sig+num Gocfred... = S¡g+num Bernardo. = Wylyemundus levita, qui hanc adclamationem vel electionem scripsit et subSS. die et anno quod supra. = Oliba gratiâ Dei comes.