LXIX.
Statutum D. Petri, Regis Aragonum de terminis novae Sedis Barbastrensis, an. MLXXXXIX. (1099) (Vid. pág. 197.)
Ex arch. eccl. Rot.
In Dei nomine: isti sunt termini de Barbastro, quos ego Petrus Sangiç Dei gratia Aragonensium vel Pampilonensium Rex terminavi ad Barbastrum in praesentia de illo Episcopo Domno Poncio de Barbastro, et in praesentia de totos illos Seniores de Barbastro. Ex parte orientis de terminos de Castelgone Cepollero in suso sicut taliat Zinga (Cinca) in suso usque ad Aringo (Ariño) de Costeane. Ex parte aquilonis sicut taliant illi termini de illas almunias de Don Kalbet, et de illos terminos de Salas in iuso usque ad Castellazuelo. Ex parte occidentis sicut taliant illi termini de Castellazuelo, et illas almunias qui sunt in intro inter Erpe et illa torre de Alkalde, et exit ad illos terminos de Almerge. Ex parte meridiana de illos terminos qui sunt infra de illos Castellos de Alfege, usque ubi exeunt ad illos terminos de Castelgone Cepollero. Totum quod continet infra istos terminos prenominatos sunt termini de Barbastro. Et tota illa decima de istos prenominatos terminos est de illa Sede de Barbastro. Et totas illas decimas vel primicias de totos istos terminos supra dictos de Barbastro veniant totas ad illa Sede de Barbastro, et non ad aliam ecclesiam. Facta est carta divisionis huius anno Incarnationis Domini millesimo nonagesimo nono, era MCXXXVII me Dei gratia regnante in Aragone vel in Pampilona et in Superarbi et in Ripacurcia et in civitate Oscha quo anno praefatus Episcopus perrexit Romam, et impetravit a Domno Papa Urbano, ut Barbastrum esset Sedes episcopatus sui, et capud omnium ecclesiarum sibi comissarum Hilerdensis civitatis, Episcopus Petrus in Irunia (Iruña), Episcopus Stephanus in Oscha, Episcopus Poncius in Barbastro, Senior Eximino Garcez et Senior Enneco Sanz in Montesono, Senior Ramon Galindo in Stata. Ego Garcia scriptor sub jussione Domini mei Regis hanc cartam scripsi et de manu mea hoc signum feci.
