II.
Donatio causa susceptionis monachatus in monasterio S. Clementis, anno DCCCXXIX. (V. pág. 12.)
Ex autogr. in arch. Eccl. Urgell.
In nomine Domini. Ecce nos Ilpericus et Wiliera Presbyteros pari consensu inter nos statuimus adque definimus vonae pacis nulliusque cogentis inperio, nec suadentis ingenio, sed propria et spontanea nobis haec elegit voluntas, ut propter amorem Dei et vitae eternae abrenunciare huic mundo obtamus secundum Salvatoris sententiam, ubi dicit: nullus est qui reliquerit domum aut fratres et coetera, qui non accipiet nunc in tempore hoc centies tantum, et in futuro cum persecutionibus vitam eternam. Et ideo sano animo et mente devota nos jam dicti traderemus nos Deo et presule nostro Sentefredo Praesbytero corda et corpora nostra et sicut nos tradimus cum omni facultate nostra quidquid visi sumus abere vel possidere per dibersa loca vel... terris, bineis, arboribus, ortis, sibe et ipsa insula qui est in Cotolneto ubi ipsa Eglesia et ipsa domum qui ego Ilpericus tradidi Deo vel homnia quidquid dici vel nominari potest, sit Deo donitum et seniore nostro Sentefredo presbytero, sibe et fratribus qui in eodem domicilio in Cotineto, quem praesul noster jam dictus obtulit Deo et nobis qui ibidem una nobiscum conglomerati sunt, et cum letitia et sanctitate ibidem serbire obtant, aut secundum regulam et monasticam vitam ducere cupiunt, et suam stabilitatem, obedientiam, et morum emendationem promittunt, tam praesentis quam futuris, sit illis donitum adque concessum. Et si quod absit, aliquis ex nobis se subtrahere voluerit de nobis, non liceat illi... omnia quidquid ibidem abexit, aut obtulit eicere. Et si quispiam, aut aliquis ex nos reppertus fuerit proterbus, aut contumax, aut inobediens, qui non obediat sanctae regulae aut Abbatis imperio, aut qui praeesse nobis fuerit, et noluerit ad emendationem pervenire, sit proiectus ex nobis et velut scopolus ex funda rotante fugatus abscedat, et infidelis, si discedit, discedat. Et si quis sane, quod fieri minime credimus, quid si aliquis de fratribus vel de propinquis nostris, qui contra anc scripturam donationis venerint, aut nos venerimus, inferant vel inferamus vobis aut partique vestrae ipsa donatione duppla; et in ab antea ista scriptura donationis in omnibus abeat firmitatem. Facta carta scriptura donationis VII. Kalendas Martias anno XVI. imperante Domno nostro Lodouvico Agusto (Augusto). = Sig+num Ilperici, et Wiliera Presbyteros qui anc donationem fecimus et fieri voluimus. = Sig+num Wiaregildi. = Sig+num Trasilani. = Sig+num Sanderedi. = Sig+num Julii. = Trasoarius Dei miseratione presbyter qui anc donatione rogitus scripsi et subscripsi die et anno quo supra.
