XIX. Carta donationis factae monasterio Gerrensi, an. DCCCCLXIX.

XIX. 

Carta donationis factae monasterio Gerrensi, an. DCCCCLXIX. (V. pág. 59). 

In Dei nomine et individuae Trinitatis qui continet celestem tronum et tinture abyssus ego Reimundus divina Dei clemencia Comes adque Marchio de Palariensis terris, quem Pater coelestis mihi concessit, et fratres mei Borrellus et Suniarius cum illorum concessum, et ego Wisado Dei praecepta Episcopus in honore Sanctae Mariae Virginis, et Sancti Michaelis Archangeli, et Sancti Petri Principis Apostolorum et Sancti Vincenti qui primus ibi fundatus fuit, et Sancti Jhoannis in cuius nomine supra flumina Nocharia constructus est Monasterium Monachorum Cenovitarum quae vocatur nomine Gerre simul in unum cum consensum fidelium nostrorum Canonichorum, clerichorum adque laichorum fieri exposcimus aurem benignitatis nostrae accomodamus ut domum Sancti Johannis in villa Petramodei (Peramea) et domum Sanctae Columbae (Santa Coloma : Paloma) in villa Seresui cum illorum agecenciis et domum Sanctae Ceciliae in villa Anchos cum illorum agecenciis et domum Sanctae Mariae Virginis in Cortes Castello cum illorum villariunculis et domum Sancti Martini confessoris in villa Festui eum illorum villariunculis cum aliis capellis quae sunt in Pago Cortetano cum apendiciis suis et ipsa divisa silva qui est super fonte freta... ipso stagno que vocant stagno Aquilae (estany Águila o áliga). Haec omnia superius nominatum de Malezas usque in Sancto Quiricho (Quirico), et de Nocharia ad Erbolone usque ad stagno Aquila quae supra dictum est. Omnia quae hic superius consonat vel concludit decimas et primicias vel oblaciones ad ipsum Monasterium constituimus atque concedimus pro eterno pie patris consolacione et peccatorum nostrorum remissionem ut in die Adventum Domini nostri Jhesu Christi tam nos quam et genitores nostros cuius corpora in ipsum Monasterium requiescunt, mereamur introire in regnum coelorum et invenire requiem sempiternam amen cum omnibus Sanctis, de praesens die et anno quod pactum nostrum constituimus et manibus nostris firmavimus usque ad consumacionem Christianorum huius saeculi, tam iste Abbas nomine Atto cum fratrum Monachorum suorum quam et succesores illorum sine ullius blandimentum accipiant ipsas decimas et primicias cum hostiis et oblacionibus. Nullusque Comes, nec Vices-Comes, nec Vicharius, nullusque Episcopus, nec Chanonicus aut Clericus, nullusque homo Christum confitentem de hoc quod supra nominatum abemus ausus sit reppellere de istum Monasterium nec ledere nec minuare... Si quis autem Diabulo incitantem peccata eius impedientem aliquid exinde minuaverit velut ledere presumpserit, componat in vinculo solidos D... et inanem sit relictus et de Ecclesia dezeptus, nisi conversus fuerit ad penitentiam. Et ista scriptura legibus confecta manibus nostris firmatam firmissimam et legitimam abeat roborem omnique tempore. Facta scriptura elemosinaria V. idus junii, anno XV, regnante Leutario Rege filio Leudibicho (una más de las versiones de Ludovico, Ludwig, Luis, Loys). = Sig+num Raimundo Comite. = Sig+num Borrello. = Sig+num Suniario qui hanc judicium elemosinarum rogaverunt scribere, et testes rogaverunt qui sua signa firmarent. = Sig+num Barone. = Sig+num Asnero Aster. = Sig+num Borrello. = Sig+num Galindo Bancones. = Sig+num Odegero. = Sig+num Joseph. = Wisadus Episcopus ss.° = Raimundus Comes ss.° = Borrellus ss.° = Suniarius ss.° = Fedaco ss.° = Gostremirus Presbiter roitus (rogatus) scripsit et subscripsit sub die et anno que supra.

III. Donatio monasterii S. Genesii de Bellera facta monasterio Gerrensi, anno DCCXCII, aut DCCXCVI. (792 o 796)

III. 

Donatio monasterii S. Genesii de Bellera facta monasterio Gerrensi, anno DCCXCII, aut DCCXCVI. (V. pág. 33.) (792 o 796)

Ex transl. in arch. monast. Gerrensis. 

In Dei eterni nomine. Ego Raimundus, Tolosanensis, Anaviensis, Paliarensis, et Ripacurcensis divina gratiâ comes et marchio, donator sum Domino Deo et beato Vincentio martiris Christi, et sanctae Dei genitricis Mariae, et sancti Michaëlis archangeli, et sancti Iohannis precursoris Christi, atque sancti Petri apostolorum principis, quorum altaria hedificata sunt in Paliarensi territorio, supra amne Nochariae (Noguera), in loco quae (vocitatur) Gerris, per hanc scripturam concessionis nostrae, et in praesentia procerum, et nobilium fidelium nostrorum, unâ cum consilio et asensu Raudulfi episcopi Urgellensis ecclesiae, ac clericorum eius, concedimus pro Dei honore, et pro nostrorum peccaminum levamine, supra taxato loco martiris Christi Vincentii, et almae virginis Mariae caenobio, monasterium almi martiris Christi Genesii, quod est situm in valle Bellaria, cum omnibus terminis, finibus, et aiacenciis suis, atque alodiis, quos in praesenti tenet, et quae deincebs a fidelibus adquirere potuerit. Item praefixo caenobio Gerrensis concedo totas illas ecclesias, quae sunt fundatae, vel in posterum fuerint fundatae de sancta Deograta, seu de flumine Bossia, usque in sancto Quirico, vel in omni pago Cortetano usque in Nocharia, et de Malezas usque in Serra de Guasti, cum illarum villis, seu villariunculis suis, cum decimis, primiciis, oblacionibus, et cimiteriis, cum omni censu, et servitio ab integrum, et de omnes placitos de cortes, et de ipsos lexivos, et de ipsos tolneos (toloneo) ipsam medietatem sit de iam dicto monasterio, et ipsum mercatum sit omni tempore ubicumque voluerit ipse abbas de prenominato caenobio; et in omni terra mea ubicumque voluerint homines ipsius monasterii mercatare abeant licentiam, et non dent ad nullum hominem tolneum, nisi ad abbatem Gerrensem. Reddo iterum et dono praelibato monasterio Gerrensi, cum precepto et assensu episcopi mei iam dicto, omnes ecclesias, quae sunt hedificatae, vel quae deincebs construendae sunt, de amne Nochariae, et vado antico, quod est supra castro Erbolone, et de Pentina, et de Molleto, et in super Gerre, et de Taovis, usque in Guardia, et illas ecclesias de sancto Vincentio de Echa, et de Montagnonio usque in Bovo mortuo (bou mort; buey o toro muerto), cumomnibus villis et villariunculis suis, cum parrochiis, primiciis, decimis et oblacionibus suis, et eum censu, et servitio eorum in integrum. Dono etiam eidem caenobio Gerrensi omnes franchezas, quae sunt in omni pago Cortetano, vel quas deincebs invenire potuerint. Et in super Gerre totas ipsas villas et franchezas, quae ibi sunt cum terminis suis, simul cum ipsa silva, quae ibidem est. Haec autem omnia superius scripta dono, atque concedo ab omni integritate, sive omnes meas voces, et directos, quos ibi abeo, prenotato monasterio, sine blandimento ullius hominis vel faeminae; ita ut nemini filiorum, vel filiarum, aut heredum, atque consanguineorum nostrorum, seu comes, vicecomes, castallio, saioni, vel qui post nos futuri sunt, licentiam abeant de ista omnia supra scripta praefixo caenobio auferre, minuare, fedare, vel aliquam vexacionem inferre; sed inconvulsa, et illibata, firmaque permaneant omni tempore. Si quis autem, quod non credimus fieri, magna parvaque persona, huius nostrae assersions scripturam divellere vel infringere voluerint, non hoc valeat agere, sed in quadruplum eidem monasterio componat. = Raudulfus Dei nutu prenotatus episcopus hanc concessionem a domno Raimundo comite iam dicto caenobio factam subscribendo confirmo. Insuper etiam trado atque concedo iam dicto assisterio libertatem omnium ecclesiarum, quae superius adnotatae sunt, ita ut clerici, qui eas tenuerint, in omnibus abbati praefixi assisterii, vel successorum illius respondeant, et per manus eorum eas habeant, et teneant, et neque ego, nec ullus ex successoribus nostris aliquod censum in easdem ecclesias exigendo requiramus. Abbas vero, qui in eodem caenobio praefuerit, ad sinodum Urgellensis sedis ecclesiae conveniat, et sedes illius sit posita prope episcopo ad sinistram partem, et maneat cum eo in palacio eius, unâ cum sociis suis. Facta haec carta donacionis Indicione XV. anno XXVI. imperante Karolo imperatore, et augusto. Sig+num Raimundi incliti comitis, qui hanc cartam donacionis seu concessionis iam dicto caenobio feci, roboravi et roborando eam fidelibus nostris iussi, et anulo nostro subter iussimus sigillari = Signum + Mauricius vices comes. = Signum + Fedacus. = Signum + Vadegarus. = Signum + Lupus. = Signum + Sanila. = Signum + Serve Dei. = Signum + Galindoni. = Visores et auditores Borrellus, et Igila, et alius Lupus, et alii multi, qui ibi aderant. = Raudulfus hac si indignus praesul supra nominatae sedis hanc cartam largicionis confirmo, et more solito subscribendo signum inprimendo conficio. = Raudulfus episcopus me subscribo +. = Barone archidiachonus +. = Ioseph archipresbyter manu propria me subscribo. = Tedeulfus presbyter +. = Muricellus hac si indignus Dei servus presbyter scribsit rei religiosus sub indicione et anno + quae supra. = Wisadus Urgellensis episcopus confirmo.