Es mostren els missatges amb l'etiqueta de comentaris Urgellensi. Mostrar tots els missatges
Es mostren els missatges amb l'etiqueta de comentaris Urgellensi. Mostrar tots els missatges

dimarts, 16 de desembre del 2025

25 mayo 1148. Raimundum comitem Barchinonensem, Ermengaudum comitem Urgellensem

LIV.

Perg. N° 202. 25 may. 1148.

catalán = castellano

Hec est convenientia que est facta inter Raimundum comitem Barchinonensem et Ermengaudum
comitem Urgellensem. Donat itaque prephatus comes Barchinonensis predicto comiti Urgellensi per fevum civitatem Ilerdam cum omnibus terminis suis videlicet de termino de Jabud usque ad terminum de Corbinis et donat ei tertiam partem totius Ilerde et termini ejus in omnibus rebus in dominio retentis duabus partibus sibi in omnibus. Et dat eidem civitati terminos suos in omnibus locis ubicumque debet habere exceptis terminis castellorum. Et comes Urgellensis de ista sua tertia parte possit dare quantum
voluerit et cui voluerit. Similiter comes Barchinonensis de duabus partibus suis possit dare quantum voluerit et cui voluerit et comes Barchinonensis in duabus partibus suis donet militie templi Ihierosolimitani illam quintam partem quam ipsa militia debet habere de tota civitate Ilerde et de terminis ejus in omnibus. Et in illa quinta parte jamdicta ipsi milicie comes Urgellensis aut ullus homo per eum non habeat ullum senioraticum neque ullum districtum aliquo modo. Et comes Barchinonensis pro illo
senioratico de illa quinta parte prenominate militie facit emendam comiti urgellensi ipsum castrum de Azcho tali modo ut comes barchinonensis comendat comiti Urgellensi ipsum castlanum. Et in illas ostes et cavalcadas ubi fuerit comes Urgelli cum comite Barchinonensi sit ipse castlanus ibi cum comite Urgelli cum militibus suis: et in illas ostes et cavalcadas ubi non fuerit comes Urgelli cum comite Barchinonensi vadat ipse castlanus cum comite Barchinonensi cum militibus ipsius castri: et quandocumque requisierit comes Barchinonensis potestatem ipsius castri de Azcho per se aut per nuntios suos jamdictus comes Urgelli donet ei potestatem ipsam sine engan iratus aut pachatus. Et si comes Urgelli ibi non esset ipse castlanus donet ei ipsam potestatem iratus vel pachatus quandocumque eam requireret comes Barchinonensis per se vel per suos. Et donat ei comes Barchinonensis in Azcho videlicet comiti Urgelli duos homines in dominio. Et comes Barchinonensis mitat castlanum in predicta civitate Ilerde et collocet eum de duabus partibus suis. Et ipse castlanus habeat senioraticum in tota civitate Ilerde et in omnibus supradictis terminis ejus excepto in illa quinta parte supradicta prephate milicie.
Et totum ipsum senioraticum quod ibi habuerit castlanus et quidquid ei dederit comes per castlaniam habeat hoc totum solide et libere per comitem Urgellensem. Si autem de predicto castlano venerit ad apertura comes Urgelli mittat ibi castlanum ad suam voluntatem et comes Urgellensis donet
potestatem de predicta civitate Ilerde comiti Barchinonensi iratus vel pachatus quotienscumque eam quesierit per se vel per nuntios suos. Adhuc autem prelibatus comes Barchinonensis donat prenominato comiti Urgellensi ipsum castrum de Cardona cum omnibus terminis suis ad suum proprium alodium ad
faciendum voluntatem suam. Iterum donat ei ipsum castrum de Albella cum omnibus terminis suis ad proprium alodium ita videlicet ut Petrus de Stopana habeat illud per comitem Urgellensem sicut
habebat per comitem Barchinonensem. Item predictus comes Barchinonensis convenit prenominato comiti Urgellensi quod emendet ei Bergeda de Tortosa usque Illerdam cum consilio procerum
suorum et procerum comitis Ermengaudi qui hoc per bonum laudaverint. Et comes Urgellensis habeat ipsam emendam per comitem Barchinonensem per fevum. Et de castellis de ipsa emenda donet potestatem comiti barchinonensi quotiescumque requisierit eam per se aut per nuntios suos iratus vel pachatus. Iterum convenit predictus comes barchinonensis ipsi comiti urgellensi quod donet ei singulis
annis mille morabetinos quingentos ad festum Sancti Michaelis et quingentos ad Pascha usque
quo capiatur Ilerda. Et si forte quod absit pacem fecerit cum Ilerda donet ei tertiam partem de ipsa paria quam inde habuerit et cadant mille morabetini. Quod si tertia pars non sufficerit ad mille morabetinos compleat ei de suo quod defuerit comes barchinonensis. Et comes barchinonensis donat ei in Barchinona unum burgensem videlicet capdemansum Petri Costancii cum ipso qui tenet illud et unum judeum nomine Santo. Propter hec quoque dona superius comprehensa et propter ipsos fevos prenominatos convenit predictus comes Urgelli comiti Barchinonensi quod sit propter hoc suus solidus sicut homo debet esse de suo meliori seniori et quod inde faciat ei ostes et cavalcadas et cortes et placita et seguimenta quando ipse jusserit de suo corpore cum hominibus quos tenebit de honore ejus et cum hominibus suis de Urgello sicut homo debet facere suo meliori seniori et quod faciat per eum pacem et guerram sarracenis et christianis de se et de suis hominibus et de terra sua et quod faciat ei
fidelitates per sacramenta de suo corpore et de suo honore et de tenendo isto placito.
Facta carta convenientie VIII kalendas junii anno dominice incarnationis millessimo CXLVIII regnique Ledovici regis junioris anno XI. - Sig+num Raimundi comes. - Sig+num Ermengaudi comes. - Sig+num Guillelmi Raimundi Dapiferi. Sig+num Guillelmi de Castrovetulo. Sig+num Bernardi de Belog. Sig+num Berengarii Arnalli de Anglesola. Sig+num Arnalli de Pontis. - Sig+num Poncii scriptoris qui hoc scripsit rasis literis et emendatis in linea V et VI die annoque prescripto.
(Alphabeto divisa).

 

divendres, 2 de setembre del 2022

XXXIII. Iudicium pro monasterio S. Saturnini in dioecesi Urgellensi, anno MXXXIX, (1039) aut sequenti (1040).

XXXIII. 

Iudicium pro monasterio S. Saturnini in dioecesi Urgellensi, anno MXXXIX, (1039) aut sequenti (1040). (V. pág. 165.) 

Ex cartor. eiusdem monast. ap. seminar. episc. Urgellens.  

In iudicio domni Eriballi episcopi sedis Urgellensis, et in praesentia Arnulfi episcopi Ripacurcensis, et aliorum plurimorum nobilium clericorum et laycorum, idest, Suniarius archilevita, et Radulfus archilevita, et Guillermus archilevita, et Seniofredus sacricustos, et Miro sacerdos, et Helisabet comitissa, et Dalmaz vicescomes, et Guillermus frater Reinardi, et Guifredus proli Ollemar, et Iozbert prolis Guillermi, et Erald Guadall, vel caeterorum plurimorum bonorum hominum, qui in ipso iudicio residebant, adlata est quaedam quaerimonia a Constantia comitissa, contra Guillermum abbatem, et fratribus eius in caenobio sancti Saturnini degentes, quod iniuste tenuissent parrochiam de Yel, cum villulis in circuitu eorundem. Et respondit Guifredus, qui est mandatarius et adsertor de iam dicto abbate vel monachis suis: hoc namque, domina, quod tu postulas ad abbate iam dicto, vir tuus domnus Ermengaudus comes dimissit pro anima sua ad caenobium iam dictum, et tu, et alii manumissores, atque helemosinarii rogasti cartam scribere, et testes firmare. Quo audito praedictus pontifex, et caeteri, qui in ipso iudicio aderant, interrogaverunt praefatum Guifredum: quomodo, inquiunt, est verum? Respondit Guifredus iam dictus: Ermengaudus comes iam dictus dedit ecclesiam sanctae Eugeniae, cum decimis et primiciis suis, praefato caenobio; et has decimas, quas modo requirit comitissa iam dicta, sunt de praefata ecclesia sancta Eugenia per donationem Seniofredi comitis, et per dotem atque consecrationem, quod Nantigisus episcopus fecit ad diem dedicationis baselicae sanctae Eugeniae (a: Anno videlicet DCCCC.XIII. (V. supra pág. 93.). Et antestites praelibati, hoc audito, interrogaverunt comitissa praefixa, si haberet voces ampliores unde se defenderet, kartas aut testimonia sufficientissima. At illa respondit: hoc minime se habere, quia inquisivit, et non invenit. Quamobrem domnus Eriballus episcopus, et caeteri, qui supra scripti sunt, postquam viderunt, et audierunt voces quod Guillermus abbas praedictus ostendit, in ipso placito dederunt iudicium, ut sine inquietudine de nullo homine debere permanere haec omnia, quod ei comitissa quaerelavit, in potestate caenobii sancti Saturnini et abbatis praesentibus et futuris in saecula permansurum. Idcirco in Dei nomine ego Constantia comitissa, recognosco me simulque exvacuo in vestrorum iudicio de vos supra nominati praesules, sive caeteris praedictis, de ecclesia sanctae Eugeniae, cum decimis et primiciis suis, cum ecclesiis sibi subiectis, qui est in comitatu Orgellon., in villa vocitata Torre. Affrontat praedicta ecclesia et parrochia de parte orientis in flumen Valeriae, a parte meridiana in villa Cabrisax, et de occidentis in Serra merdosa, de parte circi in prato Stargania, sive in ipsa Cerdannola (Cerdañola, Cerdanyola). Sicut istae affrontationes ambiunt, et includunt, sic recognosco, et exvacuo me ego Constancia comitissa iam dicta in potestate sancti Saturnini et abbate iam dicto, de omnes voces meas quod ibi requisiti, sive quaerulavi, exceptus ipsam decimam partem de ipsum decimum de ipsa parrochia iam dicta. Sed et ego Constancia hoc adprobare non possum, nec hodie, nec post hodie, nec in nulloque placito, neque per testes, per scripturas, neque per ullam legalem adprobationem ad opus... vindicare non posse, sed iniuste et absque lege eam petivi. Facta recognitione vel exvacuatione IIII. Kalendas Iunii, anno X. regnante Aenrico rege (a: Quamquam iuxta morem communem computandi huius regis annos, debuissemus praesens instrumentum ad annum 1041 reducere; tamen ad annum praecedentem retrahimus, iis coacti testimoniis, quae Eriballi mortem mense Decembri anno 1040 contigisse conficiunt. Nec proinde mendum ea in data irrepsisse affirmamus, sed variam computandi rationem tabelliones secutos fuisse agnoscimus.) = Sig+num Constancia comitissa, qui hanc recognicionem vel exvacuationem rogavi scribere, et testes tradidi ad roborandum. = Eriballus episcopus +. = + Arnulfus gratiâ Dei episcopus (Rotensis.). = Sunidrius (Suniarius) archilevita SS. = Miro sacerdos SS. = + Radolfoarii sacerdos SS. = Guillermus archilevita. = Sig+num Dalmaz vicescomes. = Sig+num Guillermi Ramon. = Sig+num Guifred Ollemar. = Sig+num Iozbert. = Sidela praesbyter monachi, qui hanc exvacuationem rogatus scribsit, et subscripsit, cum litteris dampnatis VIIII. in XIIII. verso, die et anno quod supra. 

dissabte, 30 de juliol del 2022

Tomo 6, apéndice 39. Memoria de restauratione urbis Tarraconae, circa annum MXC (1090)

XXXIX. 

Memoria de restauratione urbis Tarraconae, circa annum MXC (1090). (V. pág. 213.) 

Ex arch. eccl. Vicens. n. 1452. 

Universi per Iberum litus, necne per Terragonensem provintiam homines perpendant, quemadmodum domnus papa Urbanus in litteris suis Berengario comiti Barchinonensi, Urgellensi, et Bisundunensi comitibus, et omnibus provintiae Terragonensis principibus per paenitentiam in redemtione omnium peccatorum suorum mandaverit restaurationem eiusdem urbis et ecclesiae Terragonensis. Quapropter Berengarius iam dictus comes, divinâ inspirante gratiâ comotus, donat in restaurationem praetextatae urbis numos L. milia, expolia de Tortuosa, praesenti anno V. milia, et omnibus subsequentibus annis V. milia, donec quinquaginta milia numorum supra compleatur, sicut pollicitus est domno Renerio cardinali per scripturam, quam inde fecit Romanae ecclesiae; sub hac conditione, ut ipse praefatus comes hac iminenti primâ festivitate omnium sanctorum ingrediatur praelibatam urbem ad restaurandum. Et isti sunt principes, qui causâ Dei amoris et omnium peccatorum suorum remissione, devoverunt se ingressuros praelibatam urbem ad inhabitandum; videlicet, Gerallus Alamanni, et Arnallus Mironis, et Deusdedit Bernardi. Praetextatus itaque Gerallus misit hostaticos in potestate memorati comitis, et Berengarii Ausonensis episcopi, qui est electus a domno papa Urbano Terragonensis archiepiscopus, scilicet, Raimundum Geriberti, et Berengarium fratrem eius, et Gerallum Gonballi de Olorda, et Rodlandum Bermundi, unumquemque eorum per quingentos aureos hoc numeri sunt duo milia; ut postquam praedictus archiepiscopus redierit ab Ispania, quam nunc vadit, intra spatium XC. dierum quod ipse mandaverit, mittat in potestate eiusdem episcopi castrum de Gelida, ut ingrediatur ad restaurationem praelibatae urbis, secundum quod ei laudaverit Ugo Dalmatii, et Geribertus Guittardi, et Umbertus Lozberti (o Iozberti). Sin autem, isti iam dicti obsides redimant se duo milia aureos in potestate praefati episcopi. Simili modo, eademque sententiâ praedictus Arnallus Mironis mittat Reimundum Aianrici, et Petrum Bertrandi, obsides in potestate iam dicti episcopi, ut in praefato tempore mittat castrum de Subirads (Subirats) in sua potestate, sicut superius scriptum est. Deusdedit quoque Bernardi mittat Guilabertum vicecomitem, et Gonballum Raimundi per alios duo milia aureos, ut tempore praefixo mittat castrum de Claromonte (Claramunt) in potestate iam dicti episcopi ad faciendum hoc totum, sicut superius est scriptum. Hoc etiam definitum est, ut cum ventum fuerit ad restaurandum moenia civitatis, turres et castra, et domos et alodia, quae pertinent ad iam dictam Terragonensem urbem, dividantur et distribuantur ad laudamentum iam dicti comitis, et electi archiepiscopi Terragonensis, et Geralli Alamandi, et Deusdedit Bernardi, et Arnalli Mironis, et Guillermi Raimundi, et Gueriberti Guitardi, et Ugonis Dalmatii, et Guilaberti vicecomitis, et Mironis Guillermi, et Umberti Iozberti. 

Alia scriptura de eadem re. 

Isti sunt principes, qui causâ Dei amoris, et omnium peccatorum suorum remissione, devoverunt se ingressuros Terragonam urbem ad inhabitandum amodo usque capt. ieiunium (terminum) videlicet, Arnallus Mironi cum VII. militibus, et in potestate archiepiscopi Berengarii mittit ostaticum per quingentos aureos, videlicet, Petrum Bertrandi. Deusdedit Bernardi misit ostaticum Guilabertum vicecomitem per alios quingentos numos, ut VII. milites teneat. Ricardus Guielmi, Berengarius Bernardi ostaticum per alios quingentos. Guielmus Berenger de Barbera, Ricardi Guillermi ostaticum similiter per quingentos numos. Guielm Renard de Sarocha, Ricard Guielm per alios quingentos ostaticum. Ramon Berenguer, Ramon Geribert de Castelet ostaticum per alios quingentos. Bertran Sunier Siquart de Kavalers Pere Bertran ostadghe Ramon Reinald similiter. Bernard Berenger similiter. Raimundus Dodena (de Ódena) similiter. Aianrici Folc similiter. Gonball Ramon similiter. Ramon Mager similiter. Pere Bernard de Cavid similiter. Bernard Bernard de Gorbe similiter. Arnall Guillem de Subirards (Subirads, Subirats) similiter. Berenger Guadall similiter. Rodlan de Tamarit, Berenger Examuce, Arnall Bernanard de Barcelona similiter. Rodlan de Midiona similiter. Arnall Jocfre de Dusrios... Guadall de Badelona (Badalona) similiter. Ale... de Cegonnoles similiter. Adalbert de Font-rubia similiter. Gocfre de Bell Logh (bello loco, Belloch), Ramon Geribert de Castelet, Bernard Guillem de Clarmont, Gerall Ponc, et Guiell Ponc de Cesclods, Berenger Gitard de Beviure, Pere Ramon de Barbera, Gocfre Ratten de Sapronia, Guillelmus de Guarnall, Berenger Bernad de Cunide, Guillem Gerovard de Lorena, Bernard Adalbert de Cunid (Cunit), Aldalard de Cunid, Bertran Mir de Lobregad (Llobregat), Alaman Arbert de Terracola, Ramun gifre de Kastelet. = Raimundus Berengarii comes Barchinonae et marchio cum sua mesnada.

Entrada destacada:

El català de l'any 842, Strasbourg

SERMENTS  PRÊTÉS A STRASBOURG EN 842 PAR  CHARLES-LE-CHAUVE , LOUIS - LE-GERMANIQUE ,  ET LEURS ARMÉES RESPECTIVES. (Nota del editó,  Ramón ...