LVI. Guidaticum concessum Zahen Regi Sarracenorum Valentiae, et pacta in eius urbis occupatione per Jacobum I. Aragoniae Regem.

LVI. 

Guidaticum concessum Zahen Regi Sarracenorum Valentiae, et pacta in eius urbis occupatione per Jacobum I. Aragoniae Regem. (Vid. pág. 210.)

Ex arch. reg. Barcin.

Nos Jacobus Dei gratia Rex Aragonum et regni Maioricarum, Comes Barchinonae et Urgelli et Dominus Montispessulani promitimus vobis Çayen Regi, neto Regis Lupi, et filio de Modef quod vos et omnes Mauri, tam viri quam mulieres qui exire voluerint de Valentia, vadant et exeant salvi et securi cum suis armis et cum tota sua ropa (,) mobili quam ducere voluerint et portare secum (cum se : consigo), in nostra fide et in nostro guidatico; et ab hac die praesenti quod sint extra civitatem usque ad viginti dies elapsos continue. Preterea volumus et concedimus quod omnes illi Mauri qui remanere voluerint in termino Valentiae, remaneant in nostra fide salvi et securi, et quod componant cum dominis qui hereditates tenuerint. Item assecuramus et damus vobis firmas treugas per nos et omnes nostros vassallos quod hinc ad VII. annos dampnum malum vel guerram non faciamus per terram, nec per mare, nec fieri permitamus in Deniam, nec in Cuileram (Cullera), nec in suis terminis. Et si faceret forte aliquis de vassallis et hominibus nostris, faciemus illud emendari integre secundum quantitatem eiusdem maleficii. Et pro hiis omnibus firmiter attendendis, complendis et observandis Nos in propria persona juramus et facimus jurare Domnum Ferrandum, Infantem Aragonum, patruum nostrum, et Domnum Nunonem Sancii, consanguineum nostrum, et Domnum P. Cornelii, Maiorem domus Aragonum, et Domnum P. Ferrandez de Açagra, et Domnum Garciam Romei, et Domnum Rodericum de Lizana, et Dominum Artallum de Luna, et Domnum Bg. de Entenza, et G. Dentenza, et Domnum Atorella, et Domnum Assallitum de Gudal, et Domnum Furtunii Aznariz, et Domnum Blascum Maza, et Rogerium, Comitem Pallariensem, et Guillermum de Monte catano (Moncada), et R. Bg. de Ag. (Ramón Berenguer de Ager), et G. de Cervilione, et Bg. de Eril, et R. G. de Odena, et Petrum de Queralt, et Guillermum de Sancto Vincentio. Item nos P. Dei gratia Narbonen., et P. Terrachonen. Archiepiscopi, et Nos Bg. Barchinon., P.  Caesaraugustan. V. Oscen., G. Tirasonen. Ex. Segobricen., P. Dertusen., et B. Vicen. Episcopi promittimus quod haec omnia supra dicta faciemus attendi, et attendemus quantum in nobis fuerit, et poterimus bona fide. Et ego Çayen, Rex praedictus promitto vobis Jacobo Dei gratia Regi Aragon. quod tradam et reddam vobis omnia castra et villas quae sunt et teneo citra Xuchar infra praedictos scilicet viginti dies, abstractis et retentis mihi illis duobus castris Denia scilicet et Cuilera (Cullera). Datum in Reozafa (Ruzafa) in obsidione Valentiae IIII. kalendas octobris era M.CC.LXX. sexta. = Sig+num Guillermi scribae qui mandato Domini Regis pro Domino Bg. Barchinonae Episcopo, Cancellario suo hanc cartam scripsit loco, die et era praefixis cum litteris supra positis in quinta linea.

LV. Decretum electionis D. Bernardi de Berga, Episcopi Barchinonensis.

LV. 

Decretum electionis D. Bernardi de Berga, Episcopi Barchinonensis. (Vid. pág. 198.)

Ex arch. eccl. Barcin. cubic. III. tit. Constitut. scrin. 4, núm. 10.

Reverentissimo Patri et Domino W. Del dignatione Tarraconensi Archiepiscopo, Apostolicae Sedis Legato universus clerus ecclesiae Barchinonensis, necnon et populus eiusdem civitatis cum reverentia salutem et obedientiam. Vestrae discretionis excellentiam indubitanter scimus, Pater et Domine, non ignorare qualiter et in quem modum Barchinonensis ecclesia suo carens Pastore proprii Rectoris consolationem rationabili proposito canonice debuit affectare. Quapropter ne per Pastoris absentiam grex Dominicus perfidorum luporum morsibus pateret, et ne raptoris improbi praeda fieret, nos eiusdem ecclesiae canonici, Sanctorum Patrum statuta et antiquae libertatis nostrae consuetudinem sequentes ad petitionem plebis, invocata prius Sancti Spiritus gratia, communi voto necnon et consensu, elegimus nobis in Pontificem Domnum Bernardum, ecclesiae nostrae Archidiaconum, virum utique prudentem, hospitalem, litteratum, moribus ornatum, castum, sobrium et mansuetum, Deo et hominibus per omnia placentem. Praedictum igitur electum ad vestrae benignitatis praesentiam mittere curavimus, unanimiter postulantes et obsecrantes ut per Spiritus Sancti gratiam et vestram ministrationem nobis illud consecretis in Pontificem, quatenus auctore Deo... Pastor idoneus praeesse valeat et prodesse, nosque sub eius sacro regimine Domino semper militemus ... Ut autem omnium nostrum vota in hanc electionem convenire noscatis, in hoc canonico … manibus subscripsimus electioni ... Actum est VII kalendas julii, anno ab Incarnatione Domini M.C.LXXII. 

Raimundus Primicherius, levita. = Bernardus de Podioalto (Puigalt). = Magister V. praesbiter et canonicus. = Berengarius de Fontajada, subdiaconus (a: Hic moritur anno 1205.). = Pontius de Milgrato (Malgrat), levita et canonicus. = Raimundus, levita et Decanus. = Petrus de Rivipullo, subdiaconus. = Berengarius de Palaciolo. = Berengarius de Arcubus, levita et canonicus. = Berengarius Rubeus, levita et canonicus. = Martinus Parvus, levita et canonicus. = Bernardus de Serriano, subdiaconus canonicus. = Petrus de Rivosicco, canonicus. = Arnaldus de Villamaiori, eiusdem ecclesiae Stator Regis. = Raimundus, praesbiter. = Petrus, praesbiter. = Pontius, praesbiter Sancti Johannis. = Geraldus de Bonastre, eiusdem ecclesiae praesbiter.