III. Charta restitutionis factae ecclesiae Cardonensi à Fulchone episcopo Urgellensi, anno MXCVI

III. 

Charta restitutionis factae ecclesiae Cardonensi à Fulchone episcopo Urgellensi, anno MXCVI (Vid. pág. 19). 

Ex autogr. in arch. abbat. Eccl. Cardonen. n.° 57. 

Pateat cunctis hominibus praesentibus atque futuris, quod Fulcho, episcopus Urgellensis, idemque Vicecomes Cardonensis, accepit unum mansum sancti Jacobi, qui intra ecclesiam sancti Vincentii Cardonensis situs est. Hoc autem mansum est in termino Cardone, in locum quem vocant Fornels; quod Guillelmus abbas S. Vincentii ad luminaria Sancti Jacobi dimissit. Hoc mansum praedictus episcopus in re propia expendit. Idcirco emendat praescripto sancto Jacobo ad luminare scilicet eius, hoc quod idem episcopus habet in molendinis Cardesnarii, qui sunt siti in locum, quem vocant Biudasacs: medietatem scilicet eorum cum suis aqualibus et afrontationibus, ac pertinentiis, ut semper habeantur et teneantur ad honorem Sancti Jacobi, et ad lumen eius, quousque idem episcopus aliud melius mansum pro hoc praescripto manso, quod acepit, reddat. Partem vero horum molendinorum habeat Sanctus Jacobus sine ullo querelante. Si quis vero contra hanc scripturam, furioso ore adveniens, inquietationem aliquam admovere voluerit, anathemati subiaceat, ac demum in triplo componat. Actum est haec scriptura VII kal. julii, anno XXXVI. regni Philipi regis. = Fulchone gra. Dei Urgellensis episcopus, + qui hanc scripturam emendationis facere precepi, et testes firmare rogavi. = Sig+num Guillelmus Bernardi. = Sig+num Arnallus Guillelmi. = Sig+num Ermengaudi Mironis. = Sig+num Guillelmi Petri. = Bernardus Diachonus, qui hoc scripsi, cum litteris rasis et emendatis secunda linea, die et anno + quo supra. 

II. Evacuatio Ermengaudi Comitis Urgellensis de Castris B. Mariae, anno MLXXX

II. 

Evacuatio Ermengaudi Comitis Urgellensis de Castris B. Mariae, anno MLXXX (Vid. pág. 6). 

Ex autogr. in arch. eccl. Urgell. 

Anno Domini nostri Jesu Christi post M.LXXX, era millessima centessima XVIII, indictione IIII. Omnibus universaliter absque dubio sit notum mortalibus, quatenus ipso in tempore, quo praesul Guillermus suorum manu persecutorum est interemtus, istius antistis domni Bernardi antecessor, uti subito ad Beatae Mariae cannonicorum collectionem Comes Ermengaudus venire non distulisset, suplex eos humiliter deprecans, ut universorum kastrorum potestatem praedictae matris Domini suae subicerent ditioni, atque traderent, neque ipse alicuius potestatis vim eisdem in kastris vel reliquo in honore Beatae Mariae presumeret retinere, quia neque habere debebat, nec unquam habuit. Sed idcirco praefatam kastrorum potestatem à cannonicis petebat, ut eorum exemplo totius consulatus comitatus reliqui proceres reliqua sibi subicerent, atque traderent kastella. Qua petitione Comitis Sanctae Mariae Cannonici auditâ, sibi fecere ut voluit. Tali enim pacto, uti kastellis aliorum, ut supra dixi, praephatus Comes adeptis, statim potestatem illam, ab eisdem cannonicis kastellorum Sanctae Mariae adquisitam, omnino dimitteret. His ita ordine gestis, et Comes potestatem de kastellis, quam acceperat à cannonicis, ut superius dixi, penitus dimisit, et confirmavit, ut nec ipse, vel ex eius proienie aliquis, sive aliqua in vice illius persona submissa, numquam amplius ipsam de supra dictis kastris potestatem ex toto relictam sibi praesumeret vendicare. 

Facta est enim haec cartula X. kals. novembris, anno XXI, regnante Philippo Franchorum Rege.

Suprafatus Comes Ermengaudus, et hanc componere praecepit scribturam, et testibus legitimis confirmare praecepit. = Sig+num Mironis Vicecomitis. = Sig+num Arnalli Dachonis. = Sig+num Brocardi Guillermi. = Sig+num Petri Uzalardi. = Sig+num (pone Si+num) Bernardi Trasvarii. = Sig+num Guillermi Arnalli. = Ermengaudes Comes +. = Guilabertus scolasticus, qui hanc cartulam evacuationis rogatus dictavi, et dictando laudavi. = Olivae Sacerdos qui hanc cartulam rogatus scribsit die et anno + quo supra.