XIII. Notitia Golderici episcopi Urgellensis.

XIII. 

Notitia Golderici episcopi Urgellensis. (V. pág. 80.)

Ex libro I. Dotal. eiusd. eccl., núm. 519, fol. 173 b.

Rememoracio parrochiarum in valle Lordensi.

Hic est brevis de ipsas parrochias de valle Lordense, quomodo fuerunt constitutas in tempore Guifredo comite, et Goldencho episcopo, et Escluane (Sclua: Selva)  episcopo, et Nantigiso episcopo, et Radulfo episcopo, vel de ipsos sacerdotes, qui ipsas parrochias eas legitime eas tenuerunt per consensum de ipsos episcopos, quod supra nominavimus. Ipsa parrochia de Siscano tenuit Ado sacer et archidiaconus: sic tenuit per consensum Goldencho episcopo, et Excluane (Sclua) episcopo; et postea sic tenuit Mangulfus sacer in servitio Nantigiso episcopo; et postea sic tenuit Bradila sacer, et Croiacus sacer in servitio de Nantigiso episcopo, vel de Radulfo episcopo; et postea sic tenuit Sunifredus clericus, filius Adanagildo iudicum, in servitio Radulfo episcopo. Et ipsa parrochia de Castrotorto, sic tenuit Tedemundus Nigrus (negro; negre) in servitio Excluane episcopo; et postea sic tenuit Gotisclus sacer, qui fuit mortuus in servitio Godenci episcopo, in Artesa; et postea sic tenuit Argericus sacer de villa Stamarize (Tamarit ?) in servitio Excluane episcopo, et Nantigiso praesuli; et postea sic tenuit Bonus sacer, qui postea fuit abba de Sancto Laurentio, in servitio de Nantigiso praesuli; et postea sic tenuit Ramio sacer, et archipresbyter in servitio Nantigiso episcopo, vel Radulfo praesuli. 

Et ipsa parrochia de ipsa Silva, sic tenuit Alicus sacer in servitio Excluane episcopo, vel Nantigiso episcopo, vel Radulfo praesuli, usque ad obitum suum; et postea sic tenuit Adanagisclus sacer, et Ferriolus sacer in servitio de Radulfo episcopo, vel Wisadone praesuli, usquequo ea Wisadus episcopus eam tulit. Et illam parrochiam de Tentellagine, sic tenuit Wilgera sacer de Montelgano in servitio de Nantigiso episcopo; et postea sic tenuit Borellus sacer in servitio Radulfo episcopo; et postea Lupus sacer sic tenuit in servitio de Radulfo episcopo. Et illa parrochia de illo Cincto, sic tenuit Borrellus sacer in servitio Nantigiso episcopo, vel Radulfo praesuli; et postea Sciendisclus, qui fuit abba de Sancto Laurentio, in servitio Radulfo episcopo. 

Et illa parrochia de illa Mora, sic tenuit Rancimirus sacer, et archidiaconus in servitio Nantigiso episcopo; et postea sic tenuit Amor sacer in servitio Nantigiso episcopo; et postea Alicus sacer sic tenuit in servitio Nantigiso episcopo; et postea sic tenuit Baldericus sacer in servitio Radulfo episcopo. Et ipsa parrochia de Odera, sic tenuit * Odalus (u Odaius) sacer in servitio Nantigiso episcopo; et postea sic tenuit Alicus sacer in servitio Nantigiso episcopo; et postea sic tenuit Sidila sacer, et iudex de ipso concilio, in servitio Radulfo episcopo; et postea sic tenuit Ferriolus sacer in servitio Radulfo episcopo, usquequo Wisadus episcopus eam tulit. Et illam parrochiam de Taravilde, et de Terrarius, sic tenuit Godila sacer, et sago de ipso concilio, in servitio Radulfo episcopo; et postea sic tenuit Wisadon sacer in servitio Radulfo episcopo. Et illa parrochia de Illapetra (la piedra; la pedra), sic tenuit Golgisclus sacer in servitio Golderici episcopi; et postea sic tenuit Ermegildus, et Ansefredus sacer in servitio Nantigiso, et Radulfo episcopo; et postea sic tenuit Radulfus episcopus in suo dominico, in sua subdicione, sic tenuit Prudencius sacer, et Giscafredus sacer, et Gudila sacer sic tenuerunt ipsa parrochia terco. Et postea sic tulit Sunifredus comis ipsas parrochias de sancta Maria adversus Dominum et adversus Christum eius.

XII. Scluani episcopi, qui sedem Urgellens. invaserat, ad eandem ex testamento donatio, facta anno DCCCC.XXIV. (924)

XII.

Scluani episcopi, qui sedem Urgellens. invaserat, ad eandem ex testamento donatio, facta anno DCCCC.XXIV. (924) (V. pág. 78). (Selva : Sclua)

Ex cartor. I. eiusd. eccl. núm. 803, fol. 237, collata cum autogr. ibid. asservato.

Donatio Scluani episcopi, suorumque manumissorum. 

In nomine Domini: ego Egila presbyter. Certum quidem et manifestum est enim,  quoniam in Dei nomine sic mihi placuit in animo meo et placet nullius quoquegentis imperio, nec suadentis ingenio, sed propria et spontanea mihi hoc elegit bona voluntas, ut propter remedium animae fratris mei domno Scluani episcopi, cuius ego Egila presbyter sum manumissor, ve (vel) tutor, et unde ego post suum obitum levavi iuditium et teneo illum, donare faciam propter hoc suum alode, sicut ille mihi iuncsit pro sua anima, in sanctas Dei ecclesias, quem habebat in comitatum Cerdaniense, in fines de villa Gere, vel in fines de villa quae vocant Alli. Hoc sunt afrontationes de ipsos campos: ipsi qui sunt trans flumen Sequore (Segre), de una parte afrontant in terra Altemiro, de alia parte afrontant in terra Onando, et de tertia similiter in terra Onando et alius campus, qui fuit de Galitone, de III. partes affrontat in terras de filio Galitoni: et alius campus, qui fuit de Iustone, afrontat in ereditate de suos filios, et de alia parte in ipso Prato: et alius campus, qui fuit de Eldegarda, de una parte infrontat in terra Morecato, et de alia in ipso Prato: et alia pecia, quae ibidem est, de una parte affrontat in terra de filios Wiliofredi vel illorum eredes: et alia condamina, qui est in ipsos Pratellos, de una parte affrontat in terra de filios Argemiri, et de alia in terra Ennegoni, et de tertia in strata, et de quarta in terra Antonio: et alius campus afrontat de una parte in terra sancto Michael, et de duas partes in vias, quae pergunt ubique, et de quarta in ipso prato, quae dicunt Cenaria: et de alia pecia, quae fuit de Domnone, afrontat de una parte in terra de filios Adaulfo, et de alia in via: et ipse domus in villa de Alli de una parte afrontat in casa de Francone, et de alia in casa de Undilane: et alia casa, quae est in Palierolos cum ipsa clausa, afrontat de una parte, et de alias duas in terras Olibani; et alius campus qui est ad ipso ballato afrontat de una parte in via, et de alia in torrente, et de tertia afrontat in ipso Mergato qui fuit: et alia condamina, qui est subtus villa Alli, afrontat de III. partes in vias, et de quarta in terra Adalani: et alias terras, qui sunt ad ipsas Lavandarias, afrontant de una parte in via, et de alia in ipso Prato. Haec omnia dono atque concedo ego Egila presbyter propter remedium animae fratris mei domno Scluvani episcopi, sicut ille mihi iuncsit. Tamen dum ego vivo Egila presbyter, in meam potestatem haec omnia habeam plenissime, et post obitum meum, aut si de me ullus casus contingerit, statim remaneat ad ecclesiam sanctae Mariae sedem Orielensem, seu ad canonicos, qui ibidem Deo serviunt, tam praesentibus quam futuris. Istud omnia, quod superius insertum est, dono atque concedo propter remedium animae domno Scluani episcopi, cum illorum affrontationes, et exia vel regressia. Et si quis qui contra hanc scripturam ullus homo venerit ad inrumpendum, aut ego ipse venero; in primis iram Dei omnipotentis incurrat, et cum diabolo in perpetuum ignem sit religatus, et a liminibus sanctae Dei ecclesiae sit alienus, et in antea ista scriptura firmis permaneat et stabilis omnique tempore. Facta scriptura propter remedium domni Scluvani episcopi ad iam dictam sedem sanctae Mariae in Orgello, et coeteras ecclesias, quae ibidem sunt constructae, VIII. idus Iulii, anno XXVII. regnante Carulo rege filio Ludovici. = Egila presbyter, qui hanc scripturam redemptionis animae fratris mei domno Scluani episcopi feci, sicut ille me mandavit, et iudicius meus resonat, et testes rogavi formare et subscribere. = Durandus presbyter subscribo. = Wiigisclus (Widisclus sale en otros textos) presbyter subscribo. = Signum + Eldeguto. = Signum + Nifridio. = Argilus presbyter, qui hanc scriptura redemptionis animae scripsi, et subscripsi sub die et anno quod supra.