Tomo 4, apéndice 22, Formula absolutionis Jacobo I Arag. regi, ab apostolicae sedis legatis impertitae.

XXII.

Formula absolutionis Jacobo I Arag. regi, ab apostolicae sedis legatis impertitae. 

EX ARCH. EJUSD. MONAST.

Noverint universi, quod nos Philipus episcopus Camarinensis, et frater Desiderius de ordine minorum, domini papae poenitentiarus, auctoritate domini papae, quâ fungimur super absolutionis vobis J. regi Aragon. impertienda de excommunicatione, quam incurristis propter offensam in personam episcopi Gerundensis commissam, mandamus in virtute a vobis praestiti juramenti, quod de coetero in clericos vel personas religiosas, exceptis casibus à jure permissis, non iniciatis, vel ab aliquo inici faciatis manus temere violentas. Et accepimus
(f. acceptamus) satisfactionem, quam obtulistis spontaneae pro offensa praedicta, videlicet quod monasterium de Beniffaçano ordinis cisterciensis, per vos feliciter inchoatum dotando et aedificando taliter consummetis, ut cum ad praesens non possint ibi plusquam XXII monachi esse, valeant ibidem XL commodè sustentari; et quod fabricae ejusdem ecclesia CC. marchas argenti impendatis, et hospitale Sancti Vincentii de Valentiae per vos similiter jam incoeptum de tot, et talibus possessionibus dotetis ut reddituum *sexcentarum marcharum annuatim habeat complementum; et nichilominus stabiliatis de vestris redditibus unum sacerdotem qui perpetuo deserviat et celebret in ecclesia Gerundensi. Dat. Illerdae anno Domini millessimo ducentesimo quadragesimo sexto, terciodecimo kalendas Novembris.     

XXI. Idem Jacobus I Innocentio IV gratias agit pro absolutionis beneficio.

XXI.   

Idem Jacobus I Innocentio IV gratias agit pro absolutionis beneficio.

EX. ARCH. EIUSD. MONAST.

Sanctitate vestrae gratiarum magnificas agimus actiones, attendentes quod vos vestrum filium ac devotum non solum à rectitudinis tramite deviantes studuistis ad ovile ecclesiae pastorali sollicitudine revocare, verum etiam ex solitae pietatis affluentia charissimos viros providos, et discretos episcopum Camerinensem, et fratrem Desiderium poenitentiarum vestrum nobis pro absolutionis beneficio misericorditer impendendo dignatione provida mittere curavistis. Unde dominationi vestrae, nec non et universis praesentes litteras inspecturis harum serie facimus manifestum, quod nos anno M.CC quadragesimo sexto, pridie idus Octobris ad locum fratrum minorum Illerdensis accedentes in praesentia venerabilium archiepiscopi Terrachonae, Caesaraugustae, Urgelli, Oscencis, Elnensis episcoporum, et aliorum praelatorum, baronum, religiosorum, ac saecularium universâ multitudine congregatâ, de voluntate, ac mandato praedictorum nuntiorum vestrorum, prius excessu commisso in episcopum Gerundensem humiliter, sicut Domino dare nobis complacuit, recognito, juxta formam debitam stare, promissimus mandatis ecclesiae sub praestito juramento. Qui nuntii vestri nobis in virtute juramenti praestiti mandaverunt, quod in clericos, vel personas religiosas, nisi in casibus á jure exceptis, de cetero (non) iniciamus, vel inici faciamus manus temere violentas. Et nos pro satisfactione offensae commissae in persona episcopi Gerundensis, et in remissionem peccatorum nostrorum ipsis nuntiis acceptantibus satisfactionem obtulimus in hunc modum. Videlinet quod abbaciam de Beniffazano cisterciensis ordinis Dertusensis dioecesis, quae est noviter a nobis inchoata, cum expensis nostris ad complementum perducamus, et quod fabricae ejusdem ecclesiae demus CC. marchas argenti. Et hospitali pauperum Sancti Vincentii de Valentia quod inchoavimus, assignemus D. C. marchas argenti perpetuò in redditibus, ex quibus pauperes, et peregrini ibidem sustententur, et certus numerus sacerdotum et clericorum servitio ejusdem ecclesiae deputetur. Et quod constituemus unum sacerdotem perpetuo in ecclesia Gerundensi, qui intersit continuè diurnis ac nocturnis officiis, et pro nobis ad Dominum intercedat. Dat. Illerdae quintodecimo Kalendas Novembris anno Domini M.CC quadragesimo sexto.