XII. Ritus in ingressu et professione canonicorum regulariam S. Augustini.

XII. 

Ritus in ingressu et professione canonicorum regulariam S. Augustini. (Vid. pág. 81.) 

Ex Martirol. ms. saecul. XIV. eccl. Tarracon.

Novitius volens indui superpellitio, prius rasus et tonsus, indutus ceteris vestibus, quae ad canonicum pertinent, praeter capam et superpellitium, cum saeculari capa venit ad capitulum; ibique a Praelato praestructus de paupertate sustinenda, de humilitate, de obedientia et hujusmodi, ad exuendam veterem capam, dicat Praelatus: Exuat te Deus veterem, etc. = Ad induendum superpellitium et novam capam dicatur: Induat te novum hominem etc. In nomine Patris etc. = v.) Salvum fac etc. = v.) Mitte ei Domine etc. = Dne. exaudi etc. = Dnus. vob. etc. = Oremus. = Omnipotens sempiterne Deus, immensam clementiam tuam suppliciter imploramus, ut praesentem famulum tuum N. cui in tuo sancto nomine habitum sacrae religionis imponimus, bene + dicere et sanctificare digneris, quatinus in proposito regulari sic tibi deservire valeat, ut ad vitam pervenire mereatur aeternam. Per Dnum.

Qualiter debet facere professionem.

Novitius volens facere professionem post offerendam ante altare, et conventu existente in circuitu circa altare, dicat novitius tertio hunc versum: Suscipe me Dne. secundum etc. = Et quotiens versum finit, flectat genua. Dum fratres tertio responderint: Suscepimus Deus misericordiam tuam. Totum versum cum Gloria Patri. = Deinde prostrato novitio dicantur hii Psalmi: Magnus Dnus. = Miserere mei. = Ecce quam bonum. = Quibus finitis incipiat Praelatus Letanias. In quibus dicatur ter: Ut praesentem fratrem nostrum visitare et consolare digneris: Te rog. = Finitis vero Letaniis dicatur. = Kirieleyson, Pater nr. = Et ne nos etc. = Salvum fac. = Mitte ei Dne. = Esto ei Domine. = Nichil proficiat. = Dne. exaudi. = Dnus. vob. = Oratio. “Deus, qui non mortem peccatoris, sed per poenitentiam et emendationem vitam semper inquiris, supliciter” etc. = Alia. “Deus qui renunciantibus saeculo mansionem paras in coelo, dilata hujus sanctae congregationis temporale habitaculum coelestibus bonis, et praesta, ut fraterna teneantur compagine caritatis, unanimes continentiae praecepta custodiant, sobrii, simplices et quieti, gratis sibi datam professionis tuae gratiam fuisse cognoscant, concordet illorum vita cum nomine, professio sentiatur in opere. Per Dom. = Alia. Deus qui nos a saeculi vanitate conversos ad fraternae vocationis accendis amorem, pectoribus nostris purificandis illabere, et gratiam nobis qua in te perseveremus infunde, ut protectionis tuae muniti praesidiis, quod te donante promissimus, impleamus, et nostrae professionis executores effecti ad ea quae credentibus in te dignatus es promittere, pertingamus. Per Dom. = Et tunc surgens novitius legat cartam suam... super caput suum ponens eam super altare dicens: Ego Frater N. offerens trado me ipsum Deo, et ecclesiae Sanctae M. et promitto obedientiam secundum canonicam regulam Sti. Augustini Domino N. praefatae ecclesiae Episcopo, vet abbati, et succesoribus ejus, quos sanior pars congregationis canonice elegerit. = Deinde dicant fratres hanc antiphonam tertio: Confirma hoc Deus quod operatus etc. Tunc Praelatus donet ei communem societatem, et novitio tenente libro dicat hanc orationem: “Omnes quamvis per gratiam babtismi fratres simus in Xpto., et unum Patrem habeamus in celo, si ejus praeceptis prout possimus obsequimur; proculdubio tunc maxime unimur quando orationibus et beneficiis invicem nosmet copulamus, quemadmodum in primitiva ecclesia quibus cor unum erat et facultates rerum vendentes, congregatis cum Matre Jhu. in unum praetia defferebant gaudentes. Quae accepta Apostoli tribuebant omnibus, prout opus erat. Sicque iste nichilominus inspirante Deo eorum exemplo commonitus, nostris obtat jungi consorciis. Idcirco damus ei communem societatem vivendi nobiscum, quantum a Domino possumus promereri, et nostrum est largiri, quatinus cum electis a remuneratione omnium bonorum valeat praemia repromissa percipere. Per Dnum. Jhum. Chtum. R.) Amen.”