45. Anonimo.
Dal canz. P.
Ges al meu grat non sui joglar
anz per esforz de mala gens,
qe m'an tolgutz joi e argens;
perqem conve tal mester far.
donc sil qi ben sa la vertatz
assaz miels mi dovria far,
e del onrar e del donar,
qe sil cui non sui acontat,
e Dieu l'auria mais a grat.
Perzo no voill desconortar;
car gran ren ai de compagnos
a cui es faiz de gran honors,
q'ancor li cuida meritar,
segon q'ieu cuit, e chascunz sapza,
anz qe lo segle se desfacza.
doncs qi blasma autrui malamenz,
de si deu esser conoisenz
de zo q'om li pod reprozar.
Va, cobla, al juge de Galur:
mand qe jur e non perjur,
qe d'al ren nel sai enpazar,
per qe fa ben qem vol donar.
