XXVII.
Memoriale quarundam possesionum adeptarum Episcopalis dignitatis per honorabile Capitulum, et nonnullarum per Archidiaconum Gerundensem Sede vaccante. (Vid. pág. 106).
Ex Libr. Virid. (libro verde) Capit. Eccl. Gerunden. fol. 321 b.
Die Martis quarta Octobris, anno a Nativitate Domini M.CCC.LXXXIIII. obiit Dominus Bertrandus (pone Bertraudus) de Monterotundo, Episcopus Gerundensis. Fuerunt creati Vicarii Generales et alii officiales per honorabile Capitulum Ecclesiae Gerundensis in posse Petri de Ponte, Notarii Gerundae.
Die Jovis XXIII. mensis Augusti anno M.CCCC.VIII. obiit in Villa Perpiniani ubi Dominus Benedictus Papa XIII. cum sua curia residebat, Dominus Berengarius de Angularia Portuensis Episcopus Cardinalis administrator Ecclesiae Gerundensis. Et die sequenti per honorabile Capitulum fuerunt creati Vicarii, et officiales, etc., in posse Bernardi de Solerio, Notarii Gerundae.
Die VIII. Octobris anno praedicto M.CCCC.VIII. Dominus Franciscus de Blanis, electus in Episcopum Gerundensem per procuratorem suum accepit possesionem.
Die VIIII. Januarii anno M.CCCC.VIIII. Dominus Raymundus, Episcopus Gerundensis per procuratorem suum accepit possesionem.
Die quinta Madii anno M.CCCC.XV. praefatus Dominus Raymundus, Gerundensis Episcopus obiit apud Civitatem Valentiae. Et fuit notus eius obitus Gerundae die Mercurii sequenti.
Et honorabile Capitulum creavit vicarios et alios officiales.
Die XVIII. decembris anno M.CCCC.XV. Dominus Dalmatius de Muro, electus et confirmatus in Episcopum Gerundensem accepit possesionem.
Die VI. Augusti anno praedicto quoniam dictus Dominus Dalmatius promotus fuerat in Archiepiscopum Terraconensem, honorabile Capitulum Sede vaccante creavit vicarios et alios officiales.
Die XVIII. februarii anno M.CCCC.XX. Dominus Andreas accepit possesionem Ecclesiae et Episcopatus Gerundensis ad quem fuerat translatus ab Episcopatu Barchinonensi. Postque die quinta mensis Madii anno M.CCCC.XXXI. quia praefatus Dominus Andreas fuerat restitutus et translatus ad Ecclesiam Barchinonensem honorabilis et providus vir Dominus Dalmatius de Raseto, Archidiaconus Gerundensis ut gerens vices Episcopi sede vaccante accepit possesionem.
Postmodum vero in mense Augusti vel septembris dicti anni reverendissimus Dominus Johannes, tituli Sancti Sixti Presbiter Cardinalis, administrator Ecclesiae Gerundensis per procuratorem accepit possesionem.
Die XXVIII. Marcii anno M.CCCC.XXXVI. fuit denunciatus obitus dicti Domini Administratoris honorabili Capitulo. Et eadem die dictum honorabile Capitulum accepit possesionem et creavit Vicarios et alios officiales.
Die Lunae VIIII. mensis Aprilis eiusdem anni fuit facta certa concordia inter honorabile Capitulum et honorabilem Dominum Dalmatium de Raseto Archidiaconum dictae Ecclesiae Gerundensis qui tunc noviter advenerat a Curiis Montisoni (Cortes de Monzón) super regimine et administratione dictas dignitatis Episcopalis ipsa Sede vaccante. Et dictus Dominus Archidiaconus accepit possesionem.
Die XVIII. Junii dicti anni Dominus Bernardus accepit possesionem per procuratorem de Episcopatu Gerundensi ad quem fuerat promotus. Et obiit XXVI. Madii anno M.CCCC.LVII. Et honorabilis et providus vir Dominus Jordanus de Avinione Archidiaconus Maior gerens vices Episcopio Sede vaccante, accepit possesionem Palatii et Episcopatus.
