XXVI.
Alexander III. Hugoni de Cervillione, Archiepiscopo Tarraconensi concedit ut beneficia ecclesiae Barchinon. dum vivat retineat, an. M.C.LXIV. (1164) (Vid. pág. 153.)
Ex arch. eccl. Barcin. Lib. 1. Antig. núm. 36.
Alexander Episcopus servus servorum Dei. Venerabili fratri Hugoni, Terrachonensi Archiepiscopo salutem et Apostolicam benedictionem.
Pro maxima, quam de prudentia et honestate tua habemus fiducia onus regiminis Terrachonensis ecclesiae sollicitudini tuae per obedientiam imposuimus, atque de quiete ad laborem, de divitiis ad paupertatem te invitum et renitentem transmissimus. Quia igitur necessitatibus tuis paterna sollicitudine providere Nos convenit, totum beneficium (a: Sacristiae scilicet) quod a Barchinonensi ecclesiae et a Venerabili fratre nostro Will. (Wilhelm, William, Wilielmus, Guillermo, Guillem, etc) eiusdem ecclesiae Episcopo hactenus habuisti, ad sustentationem tuam in vita tua tibi concedimus, et praesentis scripti pagina confirmamus. Datum Senone VII. kalendas julii (a: Cum Alexander III. Turonis in Gallia Concilio celebrato octavo die Pentecosten ann. 1163. inde in Senonas transierit, ibique annum fere et dimidium commoratus fuisset, recte hoc breve Senonis datum ad ann. 1164 adscribimus).
