Es mostren els missatges amb l'etiqueta de comentaris Praeposito. Mostrar tots els missatges
Es mostren els missatges amb l'etiqueta de comentaris Praeposito. Mostrar tots els missatges

diumenge, 5 de març del 2023

III. Constitutiones synodales editae per D. Petrum Clasquerinum

III.

Constitutiones synodales editae per D. Petrum (a) Archiepiscopum Terracon. in prima synodo per eum celebrata Terracone die veneris XXI. aprilis anno a Nativitate Domini MCCCL. octavo (b). (Vid. pág. 6.)

Ad resecandum et penitus enervandum abusum qui in quibusdam locis Terraconensis diocesis pullulavit, videlicet quod rectoribus seu vicariis perpetuis ecclesiarum parrochialium, rebus exemptis humanis, nonnulli Domini temporales, baiuli seu officiales ipsorum ecclesias sic vacantes stabiliunt seu stabilire pemitunt, ponentes inibi armatos homines, qui sine licentia dominorum temporalium novos rectores ingredi in ecclesiis eis debitis non permitunt; imo, quod est perniciosum exemplo, eos redimi faciunt recipiendo pecuniam ab eisdem, ac bona ipsorum occupant et distrahunt, antequam posessionem ecclesiarum valeant adipisci, haec fieri de cetero prohibemus omnino. Quod si secus actum fuerit, dominos temporales, baiulos eorum, vel quoscumque alios auctoritate sanctionis praesentis ipso facto excommunicationis sententiae volumus subjacere: et ecclesias sic stabilitas, et per laycos (c) occupatas, propter delictum dictorum dominorum seu officialium suorum, ecclesiastico suponimus interdicto, donech de iniuria facta nobis et rectori taliter impedito fuerit integre satisfactum.

(a) Petrum scilicet Clasquerinum, qui Oscensis primum, mox Maioricensis Episcopus fuit; indeque ad Tarraconensem ecclesiam translatus idib. februarii 1358, quam rexit usque ad 1380. Tria concilia provincialia ab eo celebrata meminit Ant. Aug.; quatuor autem dioecesana. Quorum hic constitutiones damus, siluit, fortasse tamquam rem parvi momenti. 

(b) Al. cod. hunc habet titulum, quo noster caret: Quod nullus laicus modo aliquo se intromittat de factis ecclesiae post mortem rectoris vel vicarii perpetui. Al. cod. Tarracon. sic habet: contra stabilientes ecclesias vacantes. 

(c) Al. cod. sic. 

De octavis Corporis Cristi et Beatae Teclae. 

Item quod fiant octavae de festivitatibus Corporis Cristi et Sanctae Teclae.

Lectae et publicatae fuerunt dictae constitutiones in synodo celebrata in Sede Terraconae per Rev. in Cristo patrem et dominum Petrum, Divina Providentia Archiep. Terraconen. praesente toto clero civitatis et dioc. Terraconae, et praesentibus testibus venerabili Francisco Ruffacii, decretorum doctore, canonico Barchinonensi, Vicario generali, et Petro Tolom (a: Al. cod. Colom.), canonico et praeposito Illerdensi, Officiali dicti domini Archiepiscopi, Raymundo Mascaro, scolari dicti domini Archiepiscopi, et Bartolomeo Vallorii, Camerario dicti domini, die veneris XXI. die aprilis, anno a Nativitate Domini MCCCL octavo, et me Petro Martini, notario dicti domini Archiepiscopi.

Secunda synodo

dijous, 23 de febrer del 2023

XXXVII. Facultas, Capitulo ecclesiae Tarraconensis, Sede vacante, 1181

XXXVII.

Facultas data Capitulo ecclesiae Tarraconensis ut Sede vacante causas sufraganeorum appellantium audire ac terminare possent, anno MCLXXXI. (1181) (Vid. pág. 165.)

Ex autogr. in arch. eiusd. eccl.

Rescriptum hoc ad Lucii III tempora adscribimus, cum Lucius II. unico tantum anno 1144 Pontifex sederit, cum scilicet Tarracon. ecclesiae Capitulum debita adhuc forma careret, quam decem post annos a D. Bernardo Torts, Archiepiscopo accepit.

Lucius Episcopus servus servorum Dei. Dilectis filiis Praeposito, Archidiacono et aliis canonicis Terragonen. salutem et Apostolicam benedictionem. Apostolicae Sedis auctoritas Nos inducit, et debitum postulat caritatis, honori et utilitati ecclesiae vestrae diligenter intendere, et vestris iustis postulationibus assensum facilem impertiri. Hinc est quod vestris precibus inclinati devotioni vestrae auctoritate praesentium indulgemus ut ecclesia vestra Pastore vacante, causas ad vos appellantium audire, terminare ordine iudiciario, seu committere aliis personis idoneis, auctoritate Apostolica et vestra, contradictione postposita, valeatis. Dat. Lateran. XI. cal. marcii.

Anales de Cataluña, Narciso Feliu de la Peña y Farell (Index)

(Nota del editor : Se corrige parcialmente la ortografía en castellano.)  Imagen: Biblioteca de Catalunya. Llibres Pere Borrás: MCMXIX: D. V...