Lo Dalfins d'Alverne. Reis, pois que de mi cantatz,

Lo Dalfins d'Alverne.

7225, 7614.

Lo Dalfins d'Alverne si fo coms d'Alverne, uns dels plus savis cavalliers et dels plus cortes del mon, e dels larcs; e'l meiller d'armas, e que plus saup d'amor e de domnei, e de guerra, e de totz faitz avinens; e'l plus conoissens e'l plus entendens, que meils trobet sirventes, coblas e tensos; e'l plus gen parlans hom que anc fos à sen et à solatz. E per larguesa soa perdet la meitat et plus de tot lo sieu comtat; e per avareza e per sen o sab tot recobrar, e gazaignar plus que non perdet.

2701, 7225, 7614.

Reis, pois que de mi cantatz,

Trobat avetz cantador:

Mas tan me faitz de paor,

Per que torn à vos forsatz,

E plazentiers vos en son.

Mas d'aitan vos ocaison,

S' oimais laissatz vostres fieus

No m mandetz querre los mieus.

Qu'eu no soi reis coronatz,

Ni hom de tan gran ricor

Que posc' à mon fort seignor

Defendre mas heretatz.

Mas vos, cui li Turc felon

Temion mais q'un leon,

Reis e ducs, e coms d'Angieus:

Sufretz que Gisors es sieus.

Anc no fui vostre juratz

E conoissi ma folor:

Que tan caval mil soudor

E tans esterlins pesatz

Donetz mon cosin Guion,

So dison siei compagnon

Tostemps segran vostr'estrieus,

Sol tan larc vos tenga dieus.

Ben par, quan me mandavatz

Qu'eu soli' aver valor,

Que m laissassetz sordejor,

Pois que bon me laissavatz,

Pero dieus m'a fag tan pron,

Qu'entre'l Puoi et Albusson

Posc remaner entre'ls mieus:

Qu'ieu no son sers ni Judieus.

Seigner valens et honratz,

Que m'avetz donat aillor,

Si no sembles camiador

Ves vos m'en fora tornatz.

Mas nostre reis de saison

Rend Usoir' e lais' Usson;

E'l cobrar es me mot lieus,

Qu'ieu n'ai sai agut sos brieus.

Qu'eu soi mout entalentatz

De vos e de vostr'amor; 

Que'l coms, queus fetz tan d'onor 

D'Engolmes n'es gen pagatz: 

Que Tolueir'en la maison, 

A guisa de larc baron,

Li donetz, q'anc non fotz grieus, 

So m'a comtat un romieus.

Reis, hoimais me veiretz pron, 

Que tals domna m'en somon 

Cui soi tan finament sieus 

Que totz sos comans m'es lieus.

Rei Richart. Dalfin, jeus voill déresnier,

Rei Richart.

2701, 7225, 7614.

Dalfin, jeus voill déresnier,

Vos e le comte Guion,

Que an en ceste seison

Vos féistes bon guerrier

E vos jurastes ou moi;

E m'en portastes tiel foi

Com n Aengris à Rainart:

E semblés dou poil liart.

Vos me laïstes aidier

Por treime de guierdon,

E car saviés qu'à Chinon

Non a argent ni denier;

E vos voletz riche roi,

Bon d'armes, qui vos port foi;

E je suis chiche, coart,

Sius viretz de l'autre part.

Encor vos voill demandier

D'Ussoire s'il vos siet bon,

Ni si'n prendretz venjeison

Ni logaretz soudadier.

Mas une rien vos outroi,

Si beus faussastes la loi,

Bon guerrier à l'estendart

Trovaretz le roi Richart.

Je vos vi au comensier

Large de grant mession;

Mais puis trovetz ochoison

Que por fortz castels levier

Laissastes don e donoi,

E cortz e segre tornoi:

Mais nos cal avoir regart

Que Franssois son Longobart.

Vai sirventes, je t'envoi

En Auvergne, e di moi

As deus comtes de ma part

S'ui mès font pès, dieu les gart.

Que chaut si garz ment sa foi ?

Q'escuiers n'a point de loi:

Mais dès or avan se gart

Que n'ait en peior sa part.

Note. Ce sirvente est en vieux français, et nous ne l'insérons ici qu'à cause de la réponse qu'on trouvera à l'article du Dauphin, et parce que cette pièce prouve que les auteurs des deux romances s'entendaient mutuellement, quoique le Grand d'Aussy ait avancé le contraire.

Crescimbeni avait dit qu'il existait des poésies du roi Richard dans le manuscrit 3204; et là-dessus Horace Valpole le taxe d'inexactitude (1). Cependant le sirvente se trouve au fol. 170 V.° et 171 R.° 

C'est donc l'Anglais qui se trompe en disant: there is no work of king Richard.

(1) A catalogue of the royal and noble authors of England. London, 1759, 2 vol. in-8.° T. 1, p. 5.

V, Reis, pus vos de mi chantatz,

V.

Reis, pus vos de mi chantatz,

Trobat avetz chantador;

Mas tan me faitz de paor,

Per que m torn a vos forsatz,

E plazentiers vos en son:

Mas d' aitan vos ochaizon,

S' ueymais laissatz vostre fieus,

No m mandetz querre los mieus.

Qu' ieu no soy reis coronatz,

Ni hom de tan gran ricor

Que puesc' a mon for, senhor,

Defendre mas heretatz;

Mas vos, que li Turc felon

Temion mais que leon,

Reis e ducx, e coms d' Angieus,

Sufretz que Gisors es sieus!

Anc no fuy vostre juratz

E conoissi ma folor;

Que tant caval milsoudor

E tant esterlis pezatz

Donetz mon cosin Guion;

So m dizon siey companhon

Tos temps segran vostr' estrieus,

Sol tant larc vos tenga dieus.

Be m par, quan vos diziatz

Qu' ieu soli' aver valor,

Que m laysassetz ses honor,

Pueys que bon me laysavatz;

Pero dieus m' a fag tan bon

Qu' entr' el Puey et Albusson

Puesc remaner entr' els mieus,

Qu' ieu no soi sers ni juzieus.

Senher valens et honratz,

Que m' avetz donat alhor,

Si no m sembles camjador,

Ves vos m' en fora tornatz;

Mas nostre reis de saison

Rend Ussoir' e lais Usson;

E 'l cobrar es me mot lieus,

Qu' ieu n' ai sai agut sos brieus.

Qu' ieu soi mot entalentatz

De vos e de vostr' amor;

Qu' el coms, que us fes tan d' onor,

D' Engolmes n' es gen pagatz;

Que Tolvera e la mayson,

A guiza de larc baron,

Li donetz, qu' anc non fos grieus;

So m' a comtat us romieus.

Reis, hueymais me veiretz pron,

Que tal dona m' en somon,

Cui soi tan finamen sieus

Que totz sos comans m' es lieus.

Le Dauphin d' Auvergne.

V, Reis, pus vos de mi chantatz,

V.

Reis, pus vos de mi chantatz,

Trobat avetz chantador;

Mas tan me faitz de paor,

Per que m torn a vos forsatz,

E plazentiers vos en son:

Mas d' aitan vos ochaizon,

S' ueymais laissatz vostre fieus,

No m mandetz querre los mieus.

Qu' ieu no soy reis coronatz,

Ni hom de tan gran ricor

Que puesc' a mon for, senhor,

Defendre mas heretatz;

Mas vos, que li Turc felon

Temion mais que leon,

Reis e ducx, e coms d' Angieus,

Sufretz que Gisors es sieus!

Anc no fuy vostre juratz

E conoissi ma folor;

Que tant caval milsoudor

E tant esterlis pezatz

Donetz mon cosin Guion;

So m dizon siey companhon

Tos temps segran vostr' estrieus,

Sol tant larc vos tenga dieus.

Be m par, quan vos diziatz

Qu' ieu soli' aver valor,

Que m laysassetz ses honor,

Pueys que bon me laysavatz;

Pero dieus m' a fag tan bon

Qu' entr' el Puey et Albusson

Puesc remaner entr' els mieus,

Qu' ieu no soi sers ni juzieus.

Senher valens et honratz,

Que m' avetz donat alhor,

Si no m sembles camjador,

Ves vos m' en fora tornatz;

Mas nostre reis de saison

Rend Ussoir' e lais Usson;

E 'l cobrar es me mot lieus,

Qu' ieu n' ai sai agut sos brieus.

Qu' ieu soi mot entalentatz

De vos e de vostr' amor;

Qu' el coms, que us fes tan d' onor,

D' Engolmes n' es gen pagatz;

Que Tolvera e la mayson,

A guiza de larc baron,

Li donetz, qu' anc non fos grieus;

So m' a comtat us romieus.

Reis, hueymais me veiretz pron,

Que tal dona m' en somon,

Cui soi tan finamen sieus

Que totz sos comans m' es lieus.

Le Dauphin d' Auvergne.