II. Consecratio ecclesiae S. Martini de Sorbed prope Terraciam, an. MXCVI.

II.

Consecratio ecclesiae S. Martini de Sorbed prope Terraciam, an. MXCVI. (1096) (Vid. pág. 20.) 

Ex arch. priorat. S. Petri de Terrac.

Anno ab Incarnatione Domini nostri Jesu Christi millessimo nonagessimo VI. era millessima centessima XXXIIII. indictione V. advenit Dompnus Fulco venerandus Barchinonensis Sedis Episcopus Terraciam, in locum vocitatum antiquitus Sorbed, stipatus praeclaro jam dictae Sedis canonicorum collegio, et exortatus praecibus Dompni Ilheberti Ugonis, probissimi viri, et uxoris eius Ledgardis, aliorumque hominum eidem loco pertinentium, consecravit in praedicto loco ecclesiam in honore Sancti Martini a praedictis abitatoribus fundatam, in episcopium Barchinonense, infra terminos Sancti Petri Egarensis ecclesiae, cui hac ecclesia Sancti Martini stat subdita ab antiquo tempore. Praescriptus igitur vir Gerbertus (a: Antea dixerat Ilhebertus) Ugonis ex praecepto jam dicti Pontificis concessit de proprio jure circa supra dictam ecclesiam cimiterium XXX videlicet passuum, more ecclesiastico eidem ecclesiae perpetuo ad possidendum. Eo siquidem tenore, ut si quis infra jam dictum terminum aliquem invaserit, vel cuilibet violentiam intulerit, vel sacraria ibidem constructa infregerit, nisi pro sacrilegio canonice satisfecerit, anathematis vinculo connexus in perpetuum permanebit. Insuper etiam prelibatus Girbertus confert praenominatae ecclesiae de proprio praedio mansum unum obtimum, in quo moratur Siccardus cum filiis suis. Est autem ipsum mansum in Sorbed non longe ab eadem ecclesia. Terminatur itaque a parte orientis in collo de Benna, de meridie ad ipsum clausum, de occiduo in alodio de Sanctae Mariae Monserrati, de circio in rupe Kardinali. Quantum isti termini ambiunt, sic Gerbertus praefatus, et uxor eius Lidgardis totum ipsi ecclesiae tribuunt, ea conditione, ut in vita sua hoc teneant, et tascam exinde jam dictae ecclesiae tribuant; post illorum vero obitum, ipsius ecclesiae sit solidum. Et in monte Leonis donant ei unam modiatam vineae, ut ab hodierno die et deincebs ipsa ecclesia eum obtineat.

Ego autem Fulco Barchinon. Episcopus pontificali auctoritate concedo atque confirmo quaecumque actenus sepae (saepe) dictae ecclesiae a praedicto Girberto et uxore eius, sive ab aliis fidelibus donata sunt, vel per succedentia tempora donata erunt; sub tali deliberatione quatenus temerario ausu aliquid ex jam concessis atque ex concedendis auferre praesumat; vel quacumque machinatione surripere audeat: quod si, quod absit, perpetraverit, donec juxta kanonicam censuram Episcopi Barchinon. et clericorumque eius restituerit, excommunicationi obnoxius permanebit, salvo in omnibus jure Egarensis ecclesiae. Actum est hoc XV. kalendas maii anno XXXVI. regni Philippi Regis. = Fulcho gratia Dei Barchinon. Episcopus. = Sig+num Stephanus levitae. = Sig+num Guillelmi Ramundi. = Sig+num Guilaberti levitae. =  Sig+num Berengarii levitae qui et Capud scolae. = Sig+num Gerberti Ugoni. = Sig+num Ledgardis. Nos qui hanc consecrationem facere rogavimus, et quod superius est confirmamus. = Willelmus presbyter. = Sig+num  Raymundi Geriberti.  Sig+num Bertrandi Bonefilii. = Sig+num Guillermi Ermemiri. = Bernardus levita scripsit + sub die et anno quo supra.

V. Item alia donatio eidem ecclesiae facta anno MIII (1003)

V. 

Item alia donatio eidem ecclesiae facta anno MIII (1003). 

(V. pág. 43.) 

Ex autogr. in arch. episc. Celsonen. 

Cum Dei nomine, ego Ricard, et coniux mea Ledgars donatores sumus tibi Englesia femina alaudem nostrum, quod nobis advenit de parentorum nostrorum, vel per qualicumque voces; et est ipsum alaudem infra comitatum Urgelli, seu infra terminibus de Olius, in loco quem vocant Manso de Jozlen, et abet afrontaciones orientis in flumen Cardonario, et de meridie in torrent Sadino, de occiduo in monte Lecitano, a parte vero circii in villa que vocant Luz, vel ad ipso Vilar. Quantum prescriptae afrontaciones includunt, et isti termini circumaeunt, sic donamus tibi ipsum alaudem supra scriptum. Id sunt kasas cum solis et super positis earum, ortis ortalibus, terris, vineis, cultum vel eremum, vieductibus (via ducto) vel reductibus, et cum omnibus pertinentiis suis, cum exiis vel regresis eius, et est manifestum. Quod si nos donatores aut ullusque omo, femina, vel ulliusque persona, qui hanc ¡sta carta donatione inquietare voluerit, in duplo componat, et in antea ista scriptura donacionis plenissime in omnibusque obtineat suum roborem. Facta ista carta donacionis aut concessionis VIII. Kalendas Iunii anno VII. regnante Rodebertum rex. = Sig+num Ricardus. = Sig+num Ledgars, qui ista carta donacionis rogavimus scribere et firmavimus, et testes firmare rogavimus. = Sig+num Vitardus Guilielmi. = Sig+num Arnallus Seniofredi. = Sig+num Poncius Sallani. = Sig+num Gerbertus Gaucefredi. Nos sumus testes et firmatores. = Aurucius sacer, qui ista donacione scripsit et sub + scripsit die et anno quo supra.